如題，著床出血同月經有咩分別，同埋如果真係有著床出血嘅話會係性行為幾耐之後出現著床出血？
首先，著床出血係指當受精卵着床喺子宮壁嘅時候有機會造成嘅少量出血，原因可以係因為（一）受精卵與子宮壁碰撞時造成出血情況；（二）因為荷爾蒙問題造成出血情況。血量通常只會有幾滴或者最多一塊護墊可以承載到嘅血量。而且係一次性，唔會持續地出血幾日，血嘅顏色亦會同月經嘅唔一樣。而著床性出血時亦唔會好似黎月經咁身體有劇烈感覺，例如：肚痛、頭暈等。
一般由受精到着床大概係性行為後六至九日就會發生。而着床性出血並唔係一個常見嘅現象，即使真係因為懷孕都係只有少部分女性會出現嘅情況。
妳話血嘅顏色會有分別咁個分別係咩？會係咩顏色？
Hello你好呀 着床出血嘅顏色係比較淺嘅，呈點狀出血，而且血量係少好多嘅，出血時間通常係兩日內，加上着床出血，通常出現喺性行為後七至十日，所以都可以。根據個時間留意吓會唔會係排卵期出血或者月經。