你好，我一直都食開事前避孕藥，食左大約四年多。
有時會唔記得食，但會即刻補返食。一直都會在停藥後最遲三日會M到。
但我6月中停藥後月經沒嚟，當時去過家計會見姑娘，姑娘，姑娘幫我驗左孕，無懷孕！就叫我繼續食。
因為6月頭有同男朋友”咩”過，無套但外射
姑娘叫我一號再驗，咁我連續驗左幾日都陰性。
想問一下，咁既情況有左機會唔高？我需唔需要再驗？好混亂呀，麻煩幫幫我！
你好，根據你既情況懷孕機會係非常之低。首先，你已經服食左避孕藥4年，身體已經建立左避孕功能。而且你由6月中至今持續驗孕結果都係陰性，反映係沒有懷孕。因為自行驗孕時，驗孕棒係透過檢測尿液中嘅hCG (人絨毛膜促性腺激素)含量，呢個激素會係受精卵著床後開始大量分泌，而一般受精著床呢個過程需要6-9日，所以係性行為後7日使用驗孕棒的話會有初步嘅結果，而係11日後或者預計經期嘅日子驗孕結果會更準確。而且hCG係會係受精卵著床後，隨著時間會倍增，所以如果距離性行為後已有一段時間，係無可能因為含量不足而呈現陰性的。
至於你未有月經來臨可能係涉及其他因素，排除左懷孕可能，如果你平時月經係非常穩定，建議你搵醫生檢查一下，會有機會係其他問題而影響月經。
好的，麻煩晒你
謝謝你！