驗孕方法一問

  1. 想問下邊種方式驗孕先最準 見到有驗孕紙條 驗孕棒 同電子驗孕棒 會唔會電子係最準 驗孕紙條無驗孕棒咁準?

  2. 邊個牌子最好?

  3. 每次驗孕係咪應該買幾個牌子驗會好啲?

Hello 我嘗試逐點回答你啦

  1. 其實並冇話邊種方式驗孕係最準,你講到嘅幾款驗孕方式其實都係利用同一個原理,就係透過檢測尿液中嘅hcg值判斷有冇懷孕,只要有按照佢地各自嘅說明書所講咁驗孕嘅話,基本上都唔會有好大分別。不過部分電子驗孕棒就可以顯示埋懷孕週數,可以透露到更多資訊比用家知。

  2. 我哋都冇話邊隻牌子會係最好,基本上你去大型連鎖個人護理商店買到嘅牌子都係可靠嘅,如果你擔心嘅話都可以上網自己做吓資料搜查,睇吓邊隻更加適合你。

  3. 如果對於單一驗孕產品冇信心嘅話,買多幾隻牌子係可以確保唔會係其中一款驗孕產品出現唔準嘅結果,咁驗孕結果就更加可信啦。

咁如果用驗孕紙條驗左係陰性係咪代表無懷孕 我意思係咪準確?仲需唔需要用驗孕棒?

如果跟足說明書嘅指引,其實驗孕紙嘅結果都可以話係非常準確~