女朋友有定時定候食事前避孕藥，而我同女朋友做嘅時候都有戴套
但係早幾晩勃起之後套入陰莖時候發現掉轉咗，之後先再掉返岩個套去做插入性行為
想知咁樣有bb嘅機會大唔大
Hello
如果女朋友每一日到確保有食避孕藥，其實意外懷孕嘅機會已經好低，再加上你哋有使用唔到安全套，咁個機會就會更加低。當然最好如果下次喺帶安全套嘅時候遇上以上嘅情況，就需要更換一個新嘅安全套，但見你哋已經有採取其他避孕措施嘅話，就唔需要太擔心～
原來女朋友之前漏食藥係冇補食到漏咗嗰粒，但係每次漏都唔超過一日。
女朋友原本今個禮拜尾嚟M，但係今日佢未食晒一排藥就嚟咗M （今次係食咗咁耐以嚟第一次係咁），想問咁樣大唔大機會係著床出血？
Hello~只要漏咗嗰粒喺漏食嘅24小時內補食，下一粒喺原定時間食，咁就可以無問題啦～不過最好都係諗方法提自己(e.g. 較鬧鐘)準時食藥會比較理想
至於你問係咪「著床性出血」，你可以同以下三項著床性出血嘅特點比較吓：
- 通常喺不安全性行為後10日出現 (因為精卵結合，到著床係需要6-9日時間)
- 通常係一次性 (正常月經有可能維持數天)
- 出血量甚少，係一張護墊盛載得晒嘅
雖然平日係會食完一排有藥效嘅避孕藥，之後先會出現「撤退性出血」，但你女朋友嘅狀況亦係有機會出現，因為避孕藥係利用高劑量嘅人造荷爾蒙，調節體內嘅荷爾蒙水平，而當人有壓力、食藥或生活有大轉變等情況時，都會令體內荷爾蒙水平變得波動，繼而出現你女朋友嘅狀況如果擔心會意外懷孕嘅，最期都可以先使用安全套等其他避孕方法。
佢嚟完一日出血之後就暫時冇出血。
同埋著床出血係計不安全性行為之後定係計卵子受精之後？因為當初講嗰個情況係喺1/7，而女朋友上次月經週期係26/6開始。
Hello~好似我哋上面同事咁講，著床性出血通常喺不安全性行為後10日出現，因為我哋係冇辦法準確咁知道卵子受精嘅時間。另外，因為月經係受好多因素影響嘅，驗孕係唯一客觀同埋可靠嘅方法去知道有冇懷孕，所以如果擔心嘅話，可以喺性行為之後嘅7-11日進行驗孕，11日後嘅結果最為準確～