想延遲黎M

已經食咗三個月避孕藥
計過去旅行個時岩岩好食白色個4粒藥 撞正黎M
想問有咩方法可以延遲黎M

Hello~如果想延遲嚟M嘅話,可以喺食完目前呢一排避孕藥之後直接開第二排避孕藥服用,即係skip咗個停藥期,唔食白色嘅藥丸。不過要留意呢個方法唔係個個人都合適,同埋最多只可以延遲兩個月(即係連續食三排),之後就一定要比身體排血。如果喺過程之中出現不規則嘅出血,例如有幾滴血或者漏啡嘅情況,都係屬於正常嘅。但係如果身體有好大嘅唔舒服,咁就要即刻睇醫生啦!

想問skip咗個停藥期之後直接開第二排避孕藥服用
係咪正常繼續食就可以?
咁之後食第二排避孕藥食到最尾白色嘅藥丸係咪都正常繼續食就可以?

係,你食完宜家呢一排之後,唔食白色藥就可以直接開新一排,咁就可以延遲月經。

食完第二排既避孕藥,照平時一樣食白色藥就會正常黎月經的。

即是第二排嘅避孕藥照平時一樣食就可以?
想問skip咗個停藥期之後直接開第二排避孕藥服用 會唔會影響到避孕效果?

係呀,照平時一樣服食就可以。

係唔會影響避孕效果,因為你服食個啲藥仍然係賀爾蒙,所以會繼續發揮到避孕功效,而白色藥丸係無賀爾蒙的,所以唔食都唔影響功效。

唔好意思 應該係話食左三盒避孕藥
咁係咪都一樣做法就可以?

係呀,總之你食今次呢盒時想延遲黎經,就唔好食白色藥丸,直接開新一排藥跟平時食法一樣,然後直接完成整排藥,之後又係咁開第三排,又係同平時食法一樣。其實係除左唔食第一排既白色藥丸,其他完全無改變。咁你係食緊第二排白色藥丸時就會黎經,而食第三排白色藥丸時又係會黎經,如此類推。

想問同一個月內延遲兩次會唔會有問題?
即係月頭延遲+月尾延遲

好似上面同事所講,最多只可以延遲兩個月(即係連續食三排),之後就一定要比身體排血,如果唔係就會出現長期陰道不規則出血。如果而家你月頭同月尾都已經延遲咗嘅話,即係連續食咗兩排,咁就要留意番啦~