三個月前先有過性行為，過去都有嚟月經但血量時多時少，今次經期有啲似血塊嘅嘢但好似肉咁嘅質地，五毫子大細咁，但之前只試過流出液體血塊唔會好似肉咁，會否我懷孕流產自己唔知？之前性行為後驗過孕係陰性
如果持續出一粒粒呢啲咁嘅嘢會唔會都係正常？定有其他病風險
1個讚
Hello
如果根據你所描述嘅驗孕結果，而且係已經嚟咗月經嘅情況去睇，意外懷孕嘅機會較低。或者如果你唔介意都可以講述一下當時發生性行為嘅情況～
另外有關血塊嘅出現，其實月經除咗會出現血液之外，仲會夾雜着子宮內膜碎片、宮頸黏液、陰道壁嘅脫落細胞同各種雜菌。而且內膜細胞會分泌具有抗凝血功能嘅纖溶酶，佢係令血液同以上提及嘅組織能順利經陰道流出，但如果血量太大嘅時候，纖溶酶就會趕唔切分泌血液而凝結成塊，形成血塊。所以唔使太擔心～
性行為時都有用安全套，中途除咗套口交一陣再拎另一個戴，都只係見到有似肉塊嘅嘢流出有少少擔心
如果你係性行為過程有使用安全套，其實唔使太擔心懷孕風險，不過如果你持續有血塊／不明物體流出，都會建議你要搵醫生檢查一下，因為有可能係其他原因引起，不過現時唔使太擔心，你可以再觀察多一下。
再想問下點樣先為之血塊較多（不正常）？如果每日有幾粒血塊咁係咪正常？今日係月經第四日都係有啲小血塊，但冇咗一啲似肉血塊
其實如果幾粒血塊算係正常，至於點為至唔正常，係好睇你平時既月經情況，即係如果你一向都唔會有血塊出現但宜家突然持續有血塊，或血塊好多好大塊，呢啲情況都係身體突然晚轉變，咁就睇下醫生會安心啲。但如果你長期月經時都有粒粒血塊咁就唔算突然改變，只要無唔舒服可以唔使特別理。
另外我性行為後當日有啲啡色好潔嘅分泌物，過咗一日都有少少，係咪進行時太大力／第一次性行為造成？
同埋月經第五日仍不可用護塾，咁樣算唔算月經量太多或經期太長？會否唔正常
如果係發生第一次性行為，有機會出現陰道冠(處女膜)破裂嘅情況，之後一兩日有啡色嘅分泌物或者出血都屬於正常。
只要月經出血喺3-7日嘅範圍內，都屬於正常，至於血量方面亦都有好多因素影響着，例如荷爾蒙水平，情緒壓力，飲食習慣，生活作息等。所以你所提及嘅情況就唔需要太擔心～