會唔會係懷孕症狀

喺7月1號個日同男朋友發生咗第一次性行為,男朋友當時亦有配戴安全套同係陰部入面射精。
而後來早上同男朋友進行指交時亦有出血情況,但唔知係唔係因為佢太大力定係當晚性行為嘅後果…

之後當日同往後2日陰部都有少量流血,係一塊護墊可以承托到嘅程度
另外發生性行為之後平日就好少有分泌物出現,全日只有少量分泌物
每次月經前一個禮拜左腹亦會有奇怪感覺,而今次都有,好似仲早咗少少同會有少少痛
請問以上會唔會係懷孕症狀?因為7月1號處於排卵期,第一次遇到呢啲狀況,呢幾日都有啲擔心…

Hello 首先唔洗太擔心,如果你男朋友當時有係性行為全程都正確咁用安全套,即使係陰部射精,只要當時有帶安全套嘅話就唔洗驚會懷孕。

至於出血嘅情況,好大機會係你地發生性行為時,可能係陰莖插入時或者指交時,唔小心整傷咗陰道而自己都唔知道,所以就有輕微陰道出血現象。好多人都會係性行為之後出現呢個情況架,唔洗太擔心。基本上,只要短期內唔好整發生陰道相關嘅性行為住,過幾日到一個星期左右就會好返冇事架啦。

至於經前綜合症有時係可能會比較嚴重,有時可能比較輕微,可能會受各種因素影響,例如情緒壓力或者生活作息,都有可能係你太擔心而心理作用覺得嚴重咗。

不過都係想講返,只要你地發生性行為時有正確咁做足安全措施嘅話,基本上懷孕機會係好低嘅~