本來應該2號黎m但到今日都未黎 星期六冇套但冇射 今日驗過冇懷孕可唔可以食事後藥？
Hello 如果你講嘅星期六係指7月8日嘅話，自行驗孕都冇咁快知結果嘅，因為用驗孕棒自行驗孕要係性行為之後7至11日驗先會得到結果，而家先過咗2-3日，個結果都係唔準嘅。
至於你的而且確係曾經試過冇做安全措施就發生性行為，雖然冇射，但陰莖性興奮時分泌嘅一啲透明黏液（即係尿道球腺液）可能會將尿道入面有嘅精子分泌出尿道口，並留係陰道入面，就會有懷孕風險。
如果真係擔心嘅話，可以係性行為後72或者120小時內去家計會或者睇家庭醫生食事後藥，你呢一兩日去食都仲趕得切。
至於月經方面，因為有好多因素都會影響咗月經周期，例如飲食習慣、情緒壓力等等都可能會令佢早到或者遲到。不過，如果有嚟m基本上都代表對上一個月經周期並冇懷孕，所以如果你呢幾日嚟咗m，都代表咗冇懷孕。