我係男仔，最近有同不熟悉女生無套口交，但係性交個陣全程係有帶套。呢段時間一直有留意身體同下體情況，暫時冇咩奇怪情況出現。但都係好擔心所以前日去咗私人診所做檢查，想問中性病機會大唔大？依家十分後悔……
Hello~如果你喺性行為期間有使用安全套，除咗部分性病（例如椰菜花、陰蝨等）牽涉範圍係安全套覆蓋唔到，要額外留意之外，基本上佢已經預防到大部分嘅性病
另外其實一般性病都係透過高風險體液（精液、陰道分泌、腸液、血液）同受傷嘅黏膜組織（陰道、尿道口、肛門、腸道、眼睛、口腔等）直接接觸而傳播。見你話已經去咗私家診所做檢查，明白等結果嘅呢幾日會忐忑不安，但如果結果係陰性，你都要相信結果，放下心頭大石啦~~
另外建議你如果下次口交時都可以使用口交套（幫陰莖口交）或口交膜（幫陰道或肛門口交）
岩岩收到結果係negative
!!!我做既係P24抗原test, 我係性交後14日去做架。但好擔心HIV有3個月空窗期。 我係咪應該3個月後再做？
Hello~因為大部分性病嘅空窗期都係三個月左右，所以三個月後再去驗多次會保險啲。