我係一個月前發生左唔安全嘅性行為(冇射)
當日係m嘅最後一日
發生完當日都有食事後藥 過左幾日就有撤退性出血
到而家我覺得自己嘅肚好似有啲脹 同埋下面流緊深啡色嘅分泌物 唔知係唔係流啡定係嚟m？嗰量係一塊護墊都裝得到 已經連續三日
而家好驚會有左bb
我有係發生完性行為之後嘅22日自行驗咗一次 係negative 但因為唔係用晨尿會唔會有機會驗唔到？
Hello
根據你文字嘅描述，意外懷孕嘅機會好低。因為你喺性行為當日已經食咗事後丸，過咗幾日嘅撤退性出血其實已經可以當係一次嘅月經。而且你喺性行為嘅發生之後22日進行驗孕，結果可以話係非常準確，即使唔係用晨尿去驗，只要跟足說明書嘅指引，都係可以相信結果嘅。
至於你而家覺得個肚好似有啲脹同埋留緊深啡色嘅分泌物，有機會係月經前嘅症狀，因為啡色嘅分泌物多數會出現喺排卵期，或者係月經嚟之前嘅時間。至於肚脹，頭痛頭暈，覺得嘔心，情緒起伏大，都係月經前常見嘅症狀。
因為我本身嚟m係唔定時 而我上網見到流啡亦都係懷孕初期會發生
所以我好擔心
我之前撤退性出血係出左4日 係唔係正常㗎？
其實食咗事後藥，並且有撤退性出血嘅話，懷孕嘅機率都係非常非常低嘅。加上流啡除咗係懷孕嘅初期症狀之外，亦都有可能係因為排卵期出血或者就嚟嚟月經，所以係唔可以用嚟判斷有冇懷孕嘅。唯一可靠去得知有冇懷孕嘅方法係驗孕。而好似我哋上面同事咁講
至於撤退性出血，一般嚟講血量同日數都係比正常月經少嘅，所以你嘅情況好正常，唔需要擔心🫶🏻
想問而家吞唔嘢同有啲想嘔係唔係正常㗎
因為宜家已經可以好肯定你係冇懷孕嘅，所以你呢個感覺有機會係心理作用或者係其他疾病，例如感冒或者新冠，如果身體真係有好多唔舒服嘅感覺嘅話，建議盡快睇醫生～