上個月有邊緣性成為，本來今個月9號就要嚟但到今日（12號）都未嚟。開始延遲之後每日都好焦慮不停用驗孕棒check都係陰性（距離最後一次已過11日）身體又有啲好似懷孕嘅症狀，咁樣驗孕棒可信嗎？每次好似要嚟結果出嚟嘅都係分泌物…
Hello 性行為後11日驗孕嘅話結果一般都已經非常準確。基本上如果驗孕棒嘅來源係可靠嘅話，而你驗個陣又係有跟到驗孕棒嘅指示去驗嘅話，咁結果都係可信嘅。如果你驚唔準，可以買另一個牌子啲驗孕棒去驗。
而好多因素都可以影響月經周經長短，例如生活作息、飲食習慣、情緒壓力等等。月經提早推遲唔準時都係正常，亦好常見，而好多經前症狀同懷孕症狀都係好相似，所以單憑身體症狀同感覺去判斷有冇懷孕都係唔可靠，最可靠最客觀都係睇返驗孕棒嘅結果。