早前試過搵過PTGF進行性行為，嗰次有無套口交同有套插入性交……之後其實要隔幾耐先好進行另一次呢？因為無套口交始終有風險……
另一次其實諗住搵另一個PTGF……
Hello 首先好欣賞你會考慮唔好進行另一次性行為住，因為如果真係唔小心染到性病嘅話，又再去搵其他對象發生性行為，就有可能會傳染到比下一位對象。
的確如果冇用安全套口交，係有機會會有傳染到性病嘅風險嘅。如果你擔心你對上一次搵Ptgf發生性行為時傳染到性病嘅話，都會建議你去做返個性病檢測。性病嘅空窗期一般都係一至三個月左右，所以你都可以喺對上嗰次性行為開始計起三個月，去做一個全面嘅性病檢測，睇吓自己有冇唔小心傳染到性病先。如果出嚟嘅結果係陰性冇性病嘅話，咁你都可以再去發生性行為。
不過，如果下次再發生性行為時，無論係任何形式嘅性行為都好，即使只係口交或者手交，都可以考慮用返安全套，咁就可以盡量減低染有性病嘅風險，亦都唔使事後咁驚。
如果最後檢測出嚟嘅結果真係好不幸咁係有性病嘅話，都唔使太過擔憂，因為現今醫學技術都好發達，基本上好多性病都能夠被根治。就算根治唔到都可以治療得到，令到性病係喺可以控制嘅範圍之內，當接受治療之後令到病毒檢測量低到係不能夠被檢測到嘅時候，亦都代表個性病係唔會傳染到比其他人。
另外都想講返，我哋唔係想污名化PTGF或者其他任何性工作者，亦都唔係指任何人會特別多性病風險，只係如果任何人冇好好咁做到安全措施，亦都唔定期咁做性病測試嘅話，就會有導致性病風險嘅。
最後都提醒返，並唔係話搵ptgf有任何問題，不過都想提醒返要小心一啲風險嘅問題。如果下次打算再搵ptgf嘅話，都要小心法律問題，同埋小心遇到騙案。除非確認到對方係年滿16歲，又有香港身份證，喺見面事前亦都有明碼實價咁講清楚提供咩服務嘅話，如果唔係可能會唔小心觸犯到法律嘅問題。另外，最近都發生比較多同Ptgf有關嘅騙案，可能係攞咗一啲個人資料，之後可能會有冒認身份，或者騙取金錢，或者係影相拍片之後進行勒索等等。所以都提醒返要小心相關問題。
希望幫到你 
1個讚