有食開避孕藥 啱啱過完停藥期 但遲咗5日先記得食 咁係應該每日食2粒食幾日 完要等下次黎m 因為之前遲咗4日食 第一二日食2粒之後正常返食 想知今次得唔得
Hello~避孕藥遲多過兩日服用嘅話，係需要重新建立藥效嘅，冇辦法通過每日食兩粒嘅補食方法去維持之前嘅藥效。雖然唔知道之前你遲食四日嘅時候，個補食方法係邊度得知嘅，但係大部份嘅避孕藥最多只可以漏食兩日，如果超過咗呢個日數就需要重新建立藥效。你可以照常開新一排嘅避孕藥服用，但係就要好似第一次食咁樣，預留7-14日嘅適應期俾身體，喺呢段期間如果需要進行性行為嘅話係需要配合外用嘅安全措施嘅。如果你而家係嚟緊月經嘅頭五日嘅話，咁只係需要服用七日就能夠建立藥效。如果唔係嚟緊月經嘅頭五日嘅話，咁就需要連續服用14日先至能夠建立避孕嘅效果。呢度都會建議你set定鬧鐘，或者使用市面上同避孕藥相關嘅app，去提醒自己每日準時食藥同埋開新一排，咁就可以避免類似嘅情況再次發生啦！
啫係我唔需要等下一次月經黎嘅時候先食？依家食返？
宜家開始開新一排食就可以。