上一次黎m係六月17左右
對上一次搞係黎m最尾幾日，已經係六月尾，個時無套亦無射，只係入咗好短時間，而且每一次換姿勢都係會抹乾淨，之後到依家都仲未黎m，分泌物都多左少少，有諗過係因為早排放榜個啲壓力好大同埋情緒低落而遲左黎，想問下係唔係好大機會懷孕？
你好，根據你既情況，6月尾個次性行為係有風險的，不論插入時間長短，同有無射，只要係無任何安全措施既插入式性行為都係有風險。因為即使男性係性行為過程中無射精，但都有機會有其他分泌物係帶有精子，係插入過程中進入陰道。
不過你宜家由上次性行為至今應該都差不多一個月，亦無辦法做任何緊急避孕。目前你可以先自行驗孕，睇下驗孕結果，因為係性行為後第11日後驗孕結果已非常準備，如果結果係陰性，即代表無懷孕就唔使咁擔心。
另外，你講得無錯，月經遲黎，除左受懷孕因素影響外，壓力等因素都會影響，所以你未黎月經可能未必同懷孕有關，所以你要快啲去驗孕，排除左呢個可能性先。
想問下咁樣如果係冇做任何安全措施嘅情況之下淨係插入去幾下導致懷孕的機會有幾大 
其實好難以插入幾多下去衡量風險，因為如果男方有分泌物就算只插入一下都已經有精子可以進入陰道，如果無分泌物插入幾下都無大風險。不過當然插入時間愈耐，有精子進入既機會就愈大，所以只要係無安全措施既插入式性行為都係有風險既。
1個讚
好 唔該晒你
唔好意思啊，我一個禮拜前驗左但係陰性，仲未嚟m，應該點算？藥房有催經藥買？
一般情況我哋唔會建議使用催經藥，因為未知你嘅身體係唔係適合食。另外月經周期有好多因素影響嘅情況之下，都會出現遲嚟嘅情況，但如果係遲嚟超過三星期嘅話，就可能係身體出現咗問題，咁就建議去諮詢醫生意見。