幾個星期之前（系女朋友嘅危險期）， 我趴系女朋友身上，用下面同女朋友下面摩，龜頭應該沒有點到她的陰唇，沒有射精，應該有分泌物，但係龜頭系陰唇嘅最前端，想問下會唔會有分泌物去到陰唇，女朋友宜家推遲左幾日都未黎m，懷孕嘅機率大唔大？
Hello 首先有好多因素都會影響咗嚟m準唔準時嘅，有時情緒壓力、或者生活作息習慣改變都會影響咗。遲幾日嚟M都係好平常嘅事情，所以都唔能夠因為咁就判斷到有冇懷孕。
而你哋嗰次性行為嘅懷孕風險唔係好高，但係都唔可以完全排除係冇任何懷孕風險，因為只要性器官有直接接觸，就有意外懷孕嘅機會。所以你哋而家最好嘅做法就係驗孕。你哋可以去大型連鎖個人護理商店，自己買支驗孕棒，基本上只要係性行為之後11日驗孕嘅結果都已經係非常可信。如果你話你哋嘅性行為係幾個星期之前發生，相信都已經係過咗11日，所以你哋而家隨時驗孕個結果都已經係可信㗎喇。或者如果你女朋友喺驗孕之前就嚟咗M嘅話，咁都代表嚟M之前所發生嘅性行為並冇導致懷孕。
最後都提醒返，如果發生性行為後擔心會有懷孕嘅話，都會建議做返安全措施，咁就唔使事後咁擔心啦。
希望幫到你。