我有一個穩定性關係既男朋友,但係其實我對性仲係好多疑惑,我就好似之前個阿媽話個老師有左BB就代表有搞野,唔乾淨咁,我覺得自己有性呢樣野都好唔乾淨,望住其他人有BB,我又覺得佢地都有性個PART,開始幻想佢地既過程,然後就覺得好嘔心,覺得D人好虛偽,其實我係咪有病?我係咪應該尋求專業協助?
由細到大你的家庭教育是否都認為性是污穢的? 如果不幻想性行為的過程, 是否同樣有這種虛偽的感覺?
你好呀, 多謝你嚟同我地傾 
我覺得我明白你虛偽個點, 其實唔少人都有依D諗法, 因為我地社會同學校好多時都講性係唔乾淨嘅嘢, 事實上, 又做好多人做。性當然有負面嘅一面, 但都有正面嘅。咁你見到D人正面談性你會有咩感覺?
你覺得自己有病會唔會係因為同男朋友係依方面令你有困擾?
屋企通常都係避談呢D話題,我既性知識其實都係係上網,或者係同男朋友相處而得番黎
如果無呢個幻想既話,個種虛偽既感覺會少一點,但係因為自己都有性關係,唔知點解好自然就會幻想佢地要經過興奮既過程然後先會懷孕,我就會覺得好嘔心,其實我都覺得自己好變態:confounded: 其實宜家陷於好矛盾既階段
其實如果正面談到性,我又無咩太大反感,我會接受人係有性慾同性高潮,只係依然覺得人好虛偽,係性的過程中同平時對外的形象係截然不同,當然我亦如是,所以才更加顯得矛盾
會唔會因為性會帶黎興奮, 而令你覺得個種感覺係污糟嘅呢?
通常要有BB都會發生多次性行為, 咁樣會唔會令你覺得, 雙方係因為得到性滿足而唔係為左傳宗接代, 而BB只係歡愉之下嘅副產品, 所以會覺得虛偽?
可能應該咁講，我係覺得人係床上同平時社交兩個樣，平時可能係謙謙君子或淑女也好，一到床上都會變得野性，變成另一個人，然後會達致性興奮那個過程，令我覺得人好虛偽，我也會不由自主地想像人性興奮既表情，然後難以將這樣的表情同真人connect起來，因此覺得好困惑
我諗「野性」或者「變成另一個人」，唔係只係得性愛時先會係咁。一個人同其他人相熟，或者開心過頭，都有可能同平時個形象唔同。所以性興奮時嘅反應係正常嘅，亦都會係非性興奮嘅情況下表現出黎。
有無嘗試過唔去聯想其他人性興奮時嘅表情反應呢？
你提及嘅困擾，會唔會令你同男朋友性生活上面有影響？例如因為怕自己都虛偽，令你就住就住？男朋友是否知悉你呢一種想法？
你都岩既，我明白你既意思
我都有嘗試唔聯想，我男朋友都知我有呢個困擾，佢同我講其他人既事叫我唔好幻想，因為是自然既生理反應，例如食飯訓覺一樣，但係我就1不自覺會諗
可能因此呢個困擾，同埋覺得好攰，有時佢想要個陣，我又會有d炆，唔太想做，但係其實我都唔想令佢失望的，所以先想求救下
咁你會唔會成日都不自覺地聯想起？對象會唔會係身邊出現嘅人如朋友、同事/同學，定係任何人？
我感覺到你嘅精神負擔似乎幾重，所以會令你好攰。會唔會因為以前試過不愉快嘅經歷，令你會咁諗？
會呀，身邊的人，同事，朋友，明星，也有曾聯想過，我也控制不了，唯有當出現聯想就強制自己不要再想，但心知自己其實有問題要解決的
我也不太知道自己有沒有什麼不愉快經歷引致現在這樣，其實我應該向那方面尋求協助會比較好?因此實在太困擾
下面有明愛同家計會嘅輔導服務，你可以參考一下。
明愛：
https://family.caritas.org.hk/zh-hk/services/view/14#.VmaLrlaeqJJ
我明白要克服呢個想法需要時間同精神，所以唔好太心急，輕鬆面對吧。
多謝你地，提供左一個途徑令我可以抒發到我一直唔敢講出口既疑難，我會嘗試克服的，另外感激你們提供了求助途徑😊
1個讚