性交後尿尿有血

早2日進行咗插入式性行為,插入期間有用安全套,不過有一下錯咗位,當時雙方性器官都好痛,不過隔咗一陣就冇事。另外嗰日有幾下係冇用套嘅性器官磨擦。琴日開始覺得下面有少少痕,到今日去完廁所用紙巾抹下面嘅時候發現紙巾有粉紅色。本身以為係陰道感染/ 月經(28/7係預測第一日嚟m),但發現底褲係冇色同埋連續2次小便都係咁,同埋keep住有少少痕。想問呢個情況係咪泌尿道感染?同埋洗唔洗即時睇醫生?:face_holding_back_tears:如果睇嘅有冇suggest嘅地方?Thank you!

Hello~睇返你嘅情況,出血可能係性行為過程導致陰道輕微受損,或者因為手指指甲刮損。如果因為性行為過程中潤滑不足,摩擦導致陰道損傷,你可以考慮使用潤滑劑。建議使用水性/矽性/水矽混合性嘅潤滑劑,唔建議使用油性潤滑劑,以免影響陰部嘅酸鹼平衡。你可以參考呢兩個posts嘅介紹嘗試下適合你需要嘅潤滑劑。潤滑劑的特色
潤滑劑的種類
同埋都建議平日注意修剪指甲,咁就可以避免性行為中被指甲刮到,同時定期修剪指甲都係個人衛生嘅一部分。 :blush:

因為你而家陰道有輕微受損,所以更加要做好日常清潔同護理,避免受到細菌感染。例如每日做好清潔,用清水混和溫柔地清洗陰部,但唔好灌洗陰道;抹乾陰部先著底褲,穿著棉質乾淨嘅底褲同埋鬆身嘅下身衣物;補充足夠嘅水份。

暫時來講都唔需要睇醫生嘅,除非出現黃綠色嘅分泌物,或者痕癢灼痛嘅感覺,咁就有機會係因為陰道有傷口導致細菌感染,咁就需要睇醫生啦!我哋呢邊就冇醫生推薦嘅,不過最好就搵返熟悉你個人身體狀況嘅家庭醫生🫶🏻

但係都幾肯定係尿道有血 唔係陰道:face_holding_back_tears:

Hello

其實陰道同尿道係好接近嘅,所以都有可能係有陰道分泌,而導致血尿嘅。如果係陰道岀血,大概3至5日就會停嘅~

泌尿道感染嘅病徵除咗小便帶血外,仲包括:

-尿頻:次數頻密,但每次只能排出小量尿液

-小便時感到赤痛、灼熱

-尿液混濁,甚至帶血

-小腹脹痛(近恥骨位置),顯示膀胱感染

你都可以留意吓自己有冇呢啲病徵,除咗泌尿道感染,亦都可能係排卵期出血嘅。始終我地都唔係最熟悉你身體情況嘅人,只能夠從性行為方面睇係咪導致岀血嘅情況。如果唔放心,都可以睇翻家庭醫生~