我同佢係app到識，一開始我唔打算發展
但佢就比好多承諾，話我地好夾，一定同我結婚（我地年齡有番咁上下，3x 歲)
咁開始個時，佢都真係對我好好
明知我鐘意成日痴住，佢一星期都會見我4-5日
不過因為佢份工係返shift，唔係個個星期六，日都可以休到
同埋有時佢收好夜既日子，我只可以接佢返去佢屋企，咁傾一陣喝就訓覺
我地拍左11個月，但問題就由２個月個時就已經知道
- 我好鐘意影野食相(但我一開始未拍個時已經話左佢知,因為我影得耐, 但佢話ok)
點知後期佢就話佢頂唔住,因為我又要佢轉位,又要佢幫手拎住d野食比我影,佢話佢好唔鐘意
2)佢有好好好多朋友同興趣，一個星期要去見朋友2-3日，一開始我話佢見太多
佢就減到一星期見1-2次，旦係我立場，我覺得有d都唔係好熟，佢都要出去見，我就好唔明
我會話佢揀佢ｄ朋友都唔揀我，佢就成日話佢所有時間比晒我。。。
我地一齊個時佢成日就掛住打機。。。我唔明佢所有時間比晒我係咩野意思。。。同一個空間就係一齊?
之後我地因為呢2件事，每星期反覆出現問題…
最後我地7月頭去完旅行返黎，又因為佢話想個個星期日見朋友而鬧交，我就不停發脾氣
問佢點解一定要星期日見朋友，佢又唔講（因為我地唔係可以個個星期六，日一齊)
我就好珍惜可以一齊既時間，佢就反而覺得我淨係為左影相，佢想見朋友又唔得…
最後個晚佢send 左分手MSG 比我，我第２朝見到本身話好，我星期六去汁番我d野走
我IG 都DEL左佢D 相，我以為佢會氹番我…點知佢都DEL 晒佢IG 我D 相
我就SEND 左一段WHATSAPP 比佢解釋番我點解咁諗
佢就話佢決定左分手,想過返自己生活,自己一個，無拘無束
我再過左2日又SEND MSG 比佢,佢終於同我傾左一陣
旦都係話無左我,佢成個人自由晒,好開心,真係唔想再一齊,因為知道大家都改唔到,
佢話唔想繼續一齊只會加深大家傷害
不過去到最後,唔知佢係唔係見我死心不惜,佢就話比D時間佢,星期一再講
本身我都想等到星期一,旦我星期五見佢IG FOLLOW D 大波妹同一個private 女仔account
我個一下個心又死左,我就同佢講咁算啦,我選擇尊重你嘅決定分手
我一陣間可以去汁番d野？
如果你唔想見到面
不如我上去嗰時你出去食野 or gym
我估我半個鐘頭內可以執走所有
你睇吓乜嘢時間方便？反正唔會見面
點知佢無reply我,旦佢4個鐘後就汁晒我所有野去我屋企門口
最後我再send 多次msg 比佢, 佢就話:
“我知道你為我做嘅一切
我知道你有幾愛我
但我一諗起將來唔係我想要嘅生活，要一世，我怕頂唔住
一時嘅傷心，好過一世嘅痛苦
同你一齊我有開心有唔開心
我知道我自己自私
我鐘意無拘無束
拍拖感情e樣嘢對於我黎講
已經覺得好麻煩
但係我覺得我自己已經返唔到轉頭
我淨係想跑吓步，打吓機做吓gym”
咁我回覆左佢想大家再努力一下…佢就無再回我
呢家又過左2星期…今日係佢生日…旦我又見佢ig 又follow 左另外d 女仔account …
我忍唔住send msg 問佢係唔係識第2個
(因為佢分手時話愛情令佢好攰,佢唔打算再識其他女仔)
佢到呢家都無覆我,就算我話:
真係最後一次問你
我哋係唔係
點都唔會係返埋一齊？
你淨係答我呢個問題
再唔係嘅話，你IG delete咗我
因為我日日都睇住
其實好辛苦
我根本就忘記唔到
如果你睇到我message
你真係當覆我最後一次
等我知道答案死心 。。
再打左幾個電話都係無聽同無覆我…
。睇得出你好清楚你哋之間嘅問題，雖然兩個人都有作出個讓步，但係好似都meet 唔到對方嘅期望咁。例如佢可能覺得係你隔離打機已經算係俾晒啲時間你，但係你追求嘅係有質量嘅陪伴，所以就會覺得好失望。見到你話你哋分手之前成日嘈交，睇嚟呢兩個問題都已經困擾左你哋好耐，同埋令到你哋嘅關係越嚟越差
。想比你知道，其實係一段關係裏面期望同付出有落差係非常常見嘅事情，但係重點係雙方願唔願意去改變同埋磨合。而家嘅情況最大嘅困難係對方選擇放棄呢段關係去換取佢覺得自由嘅生活，但係你仍然好希望能夠再作嘗試，因為你仲係好鍾意佢
。雖然見到你話會尊重對方嘅決定，但係都仍然會關注對方嘅一舉一動，會因為佢follow其他女仔而傷心同埋難過，甚至會有啲氣憤，證明其實你仲未放得低。
。我哋唯一可以做嘅就係尊重對方嘅決定，清楚表達自己嘅意願，同埋減少對方對自己造成嘅傷害。雖然可能有啲困難，但係呢度都會建議你放多啲專注力喺自己身上面，做一啲自己感興趣嘅事情去放鬆心情，你亦都可以搵朋友傾訴同埋陪伴，或者去進行能夠發洩情緒嘅活動，例如聽音樂、行山、影多啲靚相等等🫶🏻。
。或者我哋可能仲會抱着有一絲嘅希望，希望所有事情都可以同我哋期望一樣，期望對方會返返嚟自己身邊。我哋並唔係唔爭取，但係如果好頻繁咁打電話或者傳送息俾對方，其實企喺對方嘅角度，佢都會覺得有壓力，反而未必能夠作出一個理智嘅決定。明白你會好焦急嘅，好想快啲知道個答案，但係相信你都能夠明白愛情呢樣嘢係急唔嚟嘅，俾啲時間對方，亦都俾啲時間自己。當大家都諗清楚自己想要嘅嘢係咩，同埋願意付出幾多嘅時候，你哋先會有一個共識，去決定你哋呢段關係嘅未來
