係7月13號同女朋友做左，嗰陣係安全期，一開始前戲含左，跟住只係一開始無套大嘅3分鐘，之後都一直有用，之後攞出嚟佢幫我解決埋但係就射左一次，射左係個身上邊。女朋友本身24號嚟m，但係到而家29號都未嚟，佢話有時都會遲嚟。佢話有白帶係陰唇。仲未有check驗孕棒，但係都少驚
你好～ 呢個情況有一定嘅懷孕風險，所以會建議你女朋友驗一驗孕，咁就最安心喇
因為陰莖喺勃起後、射精前，會分泌尿道球腺液，而當中有機會含有精子，所以即使冇內射，精子都有機會進入咗陰道，大大增加懷孕風險。
加上安全期本身唔係一個可靠嘅避孕方法，因為月經周期本身受好多因素影響，好易會浮動，排卵日都會隨之而變動，所以如果女朋友不嬲月經周期都長短不定，安全期都係唔能夠以坊間流傳嘅計法去估計㗎～
提示返，因為而家已經係性行為後嘅11日以上，所以驗孕嘅結果會非常準確，只要跟實說明書嘅指示有可以㗎啦：）
希望以上回覆幫到你！
佢已經42日冇嚟m,由上一個月嚟嗰日開始計.佢又肚痛又有好多分泌物，咁係咪會嚟M.而家都幾驚下
Hello你好啊
首先距離你地上一次性行為已經過咗21日，如果進行驗孕，可以有好準確嘅結果㗎喇~
你提出嘅情況，例如肚痛、多分泌物等，都係月經前嘅容易岀現嘅情況，加上月經係受好多唔同因素影響，例如生活作息、情緒、有無食藥等，可以首先進行驗孕測試，如果結果係冇懷孕嘅話，可以留意下依幾日有無月經，如果遲咗三星期或以上，就可以考慮睇醫生，睇下有無需要服用催經藥