我琴日同一個新sp sex, 有用套。
應該係佢個套唔岩size, 有一次留左係入面，有一次穿左，都無射精。
我擔心性病傳染，佢聲稱健康但無做過檢查，有過多個sp。
我目前無任何不適。
上網睇理論上有風險，太好似都唔高，但我有d 心理壓力
其實性病的機率高嗎？
做DNA 檢查要幾耐空窗期？
我查資料見男性性病特徵比較明顯，排除潛伏期較長的愛滋、梅毒、椰菜花，男性傳播性病時有幾多係不知情的呢？
無射精的陰道交係經咩途徑傳播？（男傳女）
DNA性病檢查 係咪潛伏期內就CHECK 到？只有愛滋有3個月空窗期？
正常穿左都有體液傳染風險
夠7日-14日 可以check 左 衣原體、 hpv、滴蟲 果d先
有d機構好似夠14-30日 抽血都好似check 到hiv 1/2 p24 combo /梅毒/乙肝，初步準既結果， 起碼個人冇咁驚先？當然3個月 最準同埋先可排除，又 或者你可以試下去做快速測試先？
Hello~首先性病係屬於傳染病，不分年齡、性別、種族，一般透過性接觸，不論係性交、肛交、口交或生殖器之間皮膚接觸，就有機會經由血液、精液或其他體液感染性病。而性病一般可以分為細菌型性病，或者係病毒型性病。前者大多數都可以完全根治，而後者大多數未有藥物可以完全根治，但可以控制病情，例如愛滋病，性病疣（椰菜花）。所以安全套穿咗的確係會增加感染性病嘅風險。至於傳播途徑，除咗上述提及到嘅，性病主要以血液、精液、陰道分泌或其他體液作傳播媒介。性病一般經性接觸 (包括口交、肛交、陰道性交) 傳染。有啲性病能夠透過皮膚傳染，例如椰菜花等，所以就算有使用安全套都好，接觸到安全套cover唔到嘅地方，都有機會傳染性病嘅。
至於使用DNA檢測性病嘅準確率都高嘅，但係要留意嘅係感染性病之後會有一段時間嘅潛伏期，係呢段時間裏面病毒或者病菌潛伏喺體內唔會有任何病徵。而即使你已經有病徵都好，都需要過一段空窗期，等病毒嘅數量累積多啲，先至可以透過唔同嘅方法檢驗出病毒/病菌。以下就係一啲常見性病嘅潛伏期：
生殖器疱疹（疱疹二型）：約2-5天
淋病：約1-14天
滴蟲：約4-20天
衣原體感染：約7-21天
梅毒：約9-90天
性病疣（椰菜花）：約 1-8個月，平均為3個月
以上嘅時間都係一個平均數值，有好多人過咗呢段時間都未出現病徵，其實都係好正常嘅。除咗要睇你當時接觸到嘅病毒量，仲要睇你本身身體嘅狀況健唔健康。 
你嘅性伴侶情況都係一樣嘅，就算佢而家身體健康，都唔代表佢之後唔會發病。
愛滋病比較特別，佢有一個叫空窗期嘅時期，就係感染病毒後，體內嘅病毒量未能被快速測試檢驗到嘅果段時間。一般坊間一啲免費嘅性病快速測試都需要大概係3個月左右嘅時間，身體嘅病毒量先至可以上升到可以檢查到嘅水平。係空窗期期間，雖然檢驗唔到，但係都可以傳染俾其他人嘅。而且愛滋病嘅潛伏期就半年到10年都有，所以感染咗愛滋病之後未必真係會立即發病嘅。
因為你使用嘅安全套穿咗，所以等於有高風險嘅體液交流，如果對方有性病嘅話，感染性病嘅機會率係大嘅。不過只要你喺佛山進行過一次唔安全嘅性接觸之後大概3個月，做一次全面嘅性病檢查，其實已經可以檢查到全部嘅性病。同埋感染性病最基本嘅條件就係需要有高風險體液接觸，姐係精液、陰道分泌物同埋血液接觸，而口水並唔係一個高風險嘅體液，要經由有損傷嘅黏膜組織，例如破損嘅皮膚、口腔、眼睛或者鼻腔先可以傳染到。 
另外，如果係空窗期內再有一個高風險嘅性接觸，其實就要重新開始計算三個月，當你去檢查嘅時候，其實就只能夠反應三個月之前嘅性接觸有無令你感染性病。
所以DNA 檢查過左基本潛伏期，準確率係高的？
假設男方身體健康，性病毒量唔高所以無發病？無射精的情況下，佢的分泌物算高危體液嗎？
我成日confuse 男性分泌物算精液嗎？
如果講性病檢查嘅話，一般都係計空窗期嘅，而唔係計潛伏期，因為潛伏期係講病徵幾時會出現，而空窗期就係講病毒量係咪高到可以被檢查檢測得到。咁一般來講，只要過咗空窗期嘅話， DNA檢查嘅話一般嚟講都係準確率好高而且可靠嘅。
而只要對方係有病毒嘅話，而又冇接受過任何治療嘅話，就有機會係會傳染得到性病㗎啦。除非對方係確診咗之後已經接受過治療，而病毒量係低到並不能被檢測到嘅話，咁先至唔會傳染到比其他人，但都係經過治療之後先至會有呢個情況。
而呢度講緊嘅分泌物，精液係其中一種分泌嘅體液，但係就唔止精液嘅，例如尿道球腺液都係其中一種可以傳染性病嘅體液（即係當陰莖勃起處於性興奮狀態時會分泌嘅個啲透明黏液）
所以如果擔心嘅話，呢幾個月就唔好進行性行為住啦，等做咗性病檢測之後，知道咗個結果之後先再進行性行為，不但可以保障唔會傳染到比對方，都唔會令到你要不斷咁重新去計算空窗期，而令到檢測要不斷推遲，到時真係不幸確診嘅話就可能會影響咗治療。
分泌體液其實都有會感染到性病
其實hiv / 滴蟲/ 衣原體果d 都可以一直冇病徵唔發出黎 ., 或者hiv 好多年先發出黎。
你過左14日 做左dna 果d性病測試先比較好
HIV 梅毒果d 如果你驚 ， 過左14-30日 可以提早搵機構抽血做左個初步既結果先。， 等3個月 再做多次
謝謝你地，我盡量耐心d 等夠日子
2個讚
琴日口腔出現一個我無印象的破損，有血蹟，好細，未成潰瘍，唔痛。旁邊有一個唔明顯的凹圈，舌頭碰觸時都feel 唔到凹，附近的黏膜無右邊的光滑，上網查似扁平苔蘚。身體其他地方無任何其他異常。
個日有過無套口
我仲係未夠靜心
DNA 個邊話10-12日可以做，我諗住14~16日去（愛滋係抗原，未覆係邊隻）
係咁搵資料，有d 唔理智了
搵人安慰下我就得了
同事之前提供既資料都好正確，你可以參考一下，不過雖然你發生過唔安全性行為，但性病都係有空窗期所以唔會咁快有病徵出現，相信你所講既扁平苔蘚係痱之機會比較大，所以暫時唔使太擔心，放鬆啲，等夠時間就去檢測。雖然都明白一日未知結果係會忐忑不安，但咁樣其實會好影響情緒，亦會引致失眠或影響休息，令到免疫系統受影響，而出現一些身體不適，只會令到自己更為不安，所以嘗試下放鬆，做下運動。
我test DNA 微小脲原體/陰道加德諾菌顯示「detected」，我都上網check 過，我見加德諾菌又屬原來就有的菌，我無咩症狀的，如果去睇醫生，要再check數值嗎？
hello你好啊
大部分嘅HPV感染都係可以自愈嘅，自身免疫力夠高嘅就可以抑制，唔會引起病變。
微小脲原體係支原體嘅其中一個種類，支原體本來都喺陰道內嘅，當陰道內嘅酸鹼度改變時，導致陰道生態失衡，引致病發。脲原體、支原體可引起非淋菌性尿道炎，患者可會出現白色或混沌分泌物，小便刺痛或灼熱感，經常感覺有尿意，尿道末端瘙癢，依加可以留意下有無依啲情況，如果無嘅話，都唔需要太擔心嘅。脲原體可以透過服用抗生素而康復嘅，我地都建議睇婦科醫生，由專業人士決定就醫嘅方向。
如果冇特別感到啲咩不適，暫時都唔需要太擔心住嘅，當然你都可以去睇婦科醫生，睇吓有冇需要食藥，