急！ 啱啱做完 射咗之後先發現成個套甩咗喺入面
啱啱8月3號完M 應該點算
請問喺你清理個安全套嘅時候，有冇精液流出嚟並接觸到外陰？如果冇嘅話，可以唔使擔心，因為只要體液冇接觸到陰道，懷孕嘅風險就微乎其微～
但係如果精液有流出嚟並接觸到外陰，就有懷孕嘅風險，會建議你儘快去家計會或私家診所睇醫生檢查，並服食事後避孕藥，事後丸嘅最長服用時限為性行為後120小時內，避孕成功率亦都好高，有98%～
下次發生性行為嘅時候，記得喺射精後儘快按住安全套嘅底部抽出，咁就可以避免同樣情況發生喇～
1個讚
已經有即時攞翻出嚟,但係個套可能係做到一半嗰陣kick住咗,留咗喺陰道入面仲要成個套都冇嘢
雖然我知會好大風險但係佢啱啱嚟完2日有咗嘅風險係咪唔係咁大,佢之前都有食過事後個副作用反應好大,我驚佢再食辛苦到佢
如果「成個套都冇嘢」意思係講緊冇任何分泌物或者精液喺安全套裏面，咁其實導致懷孕嘅機會較低，因為並冇精子直接接觸過陰道。有關於喺月經期間發生性行為，有啲人會認為「嚟咗月經就代表冇懷孕，所以可以喺月經期間發生性行為」，但值得留意嘅係亦都有女性試過喺月經期間排卵，所以使用呢一種安全期嘅計算方法作為避孕措施比較危險。而且女性喺嚟緊月經嘅時候，子宮同埋陰道都屬於比較脆弱嘅狀態，所以我哋都唔建議喺月經期間發生任何性行為啊。都好欣賞你會留意對方嘅身體情況，咁下一次發生性行為嘅時候，記得做好安全措施就唔使咁擔心啦～
1個讚
emmm,但係個套係喺我射完之後先發現甩咗,攞返出嚟嗰陣係咩都冇同埋係啱啱月經完咗兩日
明白
射完精，發現個套裏面咩都冇呢個情況真係比較少見，有機會係安全套穿窿，所以好似上面同事所講，都建議盡快喺有限時間內服食事後丸。
即係就算啱啱完M嗰風險都係比較大？
對上一次食完事後佢身體真係差咗好多
明白啊，因為事後丸係透過高劑量嘅人造荷爾蒙阻止受精卵着床，所以佢嘅副作用都比較強。但今次主要個危險係在於射精後，安全套裏面冇精液嘅話，咁就好大機會係安全套穿咗窿，所以即使係嚟m之後發生都有一定嘅風險。