停避孕藥後,下體出血

大約食左一年避孕藥,
但每次黎經前都會輕微頭痛,
近月頭痛情況變嚴重。每次痛到好似俾人撞頭咁。
決定停服避孕藥。

原本2023年7月21月經,
8月1日停服避孕藥,
然後8月5日突然下體出血,
不是一直出,類似月經果類。

請問這算是月經,還是其他情況?

Hello​:ok_woman:t2:你嘅情況大機會係屬於撤退性出血,因為避孕藥屬於人造荷爾蒙,而長期服食呢一類人造荷爾蒙除咗有避孕嘅作用之外,亦有唔少女性用嚟調經。當停止服食之後,身體一般都會認為你冇食藥,就係代表嚟月經,就好似以前食避孕藥嘅時候有停藥期咁解。但其實呢一種出血嘅情況稱之為撤退性出血,即係等身體排出藥物嘅時候會造成嘅情況,所以撤退性出血係可以視作為月經。或者你可以講多少少出血嘅情況~

每次去廁所都抹到有血,不過唔係長流。
咁樣係當一次月經嗎?
那8月21日會再黎月經嗎?

因為單憑文字嘅描述都好難去判斷係唔係月經,但就住避孕藥嘅操作,同埋撤退性出血嘅情況來講,你依家出血嘅情況都大機會係屬於月經。至於8月21號會唔會嚟月經,因為你一向有食避孕藥,但停藥之後,身體都需要一段時間去適應,所以月經周期會變得唔穩定,意思即係同你之前嚟月經嘅日子都會唔一樣,就好似身體要重新適應一個新嘅月經周期咁。所以現階段未知道下一次月經係幾時嚟~

1個讚