一直食緊「安意避」避孕藥，食21日停7日。今個月咁啱黎M會撞正去旅行⋯知道如果開新一排食多幾日就可以遲啲先黎M嘅，不過咁樣之前食開個集慣就會亂左，所以想問下。
可唔可以第21日食完，開新一排keep住食到旅行完，之後隔7日繼續食翻剩低嘅粒數？咁應該可以keep翻每個月嘅集慣？
Hello
如果唔想去旅行期間嚟M又唔想打亂習慣嘅話，的確係可以keep住食避孕藥，食到想「嚟M」，或者食多一排先停藥都係可以嘅。
基本上你一直食住避孕藥嘅話，身體一直都會維持着相關嘅荷爾蒙水平同埋藥性，到你停藥嗰日，體內嘅荷爾蒙水平都會隨之下降，到時注意子宮內膜先會剝落，然後形成月經流出體外。
但都提醒返，如果真係採納呢種做法嘅話，都唔建議連續食超過三個月都唔停藥唔比身體「嚟m」，亦都唔建議長期用呢種方式嚟延遲經期，因為之後嘅經期就有機會會變得比較混亂，亦都可能會令陰道有機會出現長期流啡嘅情況。
所以你都可以按返自己嘅需要，再睇吓點樣食會好啲。希望解答到你嘅疑問。