本身應該7月16黎M
7月9 同19有發生性行為
全程有帶套同用水檢查無漏
但依家月經已經比原定時間遲咗二十幾日
上個禮拜用曼秀雷敦驗咗兩次都係一條線
但上網見人話依個牌子唔準 同埋依排個人好熱又好攰 成日好眼訓 所以都係有啲擔心
Hello~睇返你嘅情況，懷孕機率係好低嘅～因為全程正確使用安全套，而又冇穿嘅話，其實避孕機率係高達97%嘅。加上性行為之後11日嘅驗孕結果已經非常準確，所以可以好肯定你冇懷孕
。雖然我哋唔清楚每一隻避孕棒牌子嘅功效，但係一般來講係大型藥房購買嘅避孕棒都係準確嘅，如果你唔放心嘅話都可以買另一隻牌子嘅驗孕棒再測多一次。
至於月經延遲嘅原因有好多，體重過輕，壓力大，生活唔規律…都會導致月經遲嚟。除非月經比起平時遲咗三個星期以上都未嚟，先至需要睇醫生，等醫生考慮會唔會處方荷爾蒙藥物畀你去催經。因為見到你話月經已經遲咗20幾日都未嚟，所以呢度都會建議你盡快睇醫生，睇吓會唔會係其他婦科疾病嘅影響，同埋需唔需要服用催經藥。