同男朋友差唔多一年，一路都覺得男朋友性慾好低，開始頭兩個月都會有親熱嘅情況，會用手探索大家，但最近開始都冇試過，平時錫嘴都唔多，多數都係我主動，佢多數會鍾意吹我耳仔，但係都冇再有用手探索咁親熱嘅情況，我又唔想次次都係我主動，點樣可以令佢自己主動啲，我比較鍾意大家撫摸嘅感覺，即係撫摸大家嘅性器官，令到大家有快感，我哋未進行過性行為，我都想同佢試吓，但唔敢講出口。
Hello~呢種情況好大機會係因為對方唔夠放鬆，可能需要外在嘅刺激去提高性慾。如果唔想成日都係自己做主動嘅話，可以試吓放啲興奮嘅音樂，點香薰，或者一齊睇av，去增加雙方嘅性慾～你亦都可以去情趣用品店購買前戲專用嘅桌上遊戲情趣遊戲例子去了解對方嘅喜好、敏感點，刺激身體反應同感受，令身心準備投入性行為，亦都可以建立更緊密嘅關係，關於前戲可以參考吓我哋Instagram呢個post：前戲適用的材料
其實生活習慣、情緒、體力等等都會影響到性慾嘅，你都可以花時間了解一下對方而家喺生活上面對緊啲乜嘢問題，會唔會有啲因素令到佢放鬆唔到？另外，對方嘅價值觀同埋界線都係好重要嘅，因為呢樣嘢每個人都唔一樣，可能對於佢嚟講，佢仲未ready同你發展更深入嘅關係
。但係咁樣唔代表佢唔愛你，只係每個人嘅界線唔同，佢仲需要多啲時間去適應同埋調整～所以最緊要呢～就係你哋雙方都願意積極咁去溝通你哋喺呢段關係上遇到嘅問題，達成共識🫶🏻