是咁的，我原本 8 月應該係 9號嚟 m，但到而家 11 號都未嚟，但我又好驚 20 21 22 號去玩水會嚟 m，咁我想問下如果而家開始食避孕藥得唔得？
另外如果而家已經食唔切，咁到時用 tampon 可唔可以落水？
麻煩晒 
Hello~如果係用嚟調經嘅話，其實任何一日開始服用都係冇問題嘅。只要每日準時食藥，同埋計好日數停藥（通常係21+7/24+4），咁就會起到調經嘅作用。之所以建議盡量喺月經嘅頭五日服用，係因為想通過避孕藥抑制排卵嘅功效進行避孕。如果係頭五日服用嘅話，咁只要七日就能夠建立藥效，但係如果唔係頭五日內服用嘅話，咁就要14日先至可以確保避孕嘅功效。如果你想而家開始食嘅話係冇問題嘅，不過可能就要等到停藥嘅時候先至會嚟M，同埋因為你係第一次服用所以服藥嘅初期有機會出現點狀出血，只要堅持每日準時食嘅話出血嘅情況係會改善嘅，所以唔需要太擔心🫶🏻
姐係我應該而家開始食，食到 3 號，跟住停藥，就會嚟 m？但食緊藥嘅過程中就唔會嚟？
冇錯，因為避孕藥嘅原理係令到身體嘅荷爾蒙水平升高，當荷爾蒙水平高嘅時候就唔會有出血，但係當你停藥，荷爾蒙水平急降嘅時候就會出現嚟M嘅情況～