6月29號性交後發現安全套漏出但冇穿，以防萬一即時去買咗事後丸食，之後7月5號開始嚟M到7月18號，請問呢個正唔正常，然後8月10號有性交，但有檢查到安全套冇問題，之後13號突然之間有嚟M，上問兩者有冇關係，同埋咁樣正唔正常，好擔心懐孕
你好，你係6月29號性行為雖然有風險，因為安全套有漏，但你有服食事後藥，而之後有撤退性出血，即係7月5日個次月經，其實呢次係服食事後藥帶來既撤退性出血，我地可以視之為一次月經，係正常既現象，亦代表事後藥發揮左功效，所以你唔使咁擔心。
而7月13日個次係你正常既月經，所以你有月經黎臨，亦代表你無懷孕。
不過我地唔肯定你去買事後藥，係咪指去藥房買，如果係藥房買，下次有需要再服食事後藥時就唔建議再咁做。事後藥最好都係去診所或者家計會處方，因為藥房賣既事後藥我地好難肯定佢地係咪真係處方既事後藥，如果服食左唔係真既事後藥，達唔到緊急避孕既效果，萬一真係有高風險既性行為發生左就好麻煩，到時就會有懷孕風險。
唔該晒你，但我唔肯定13號果個係咪月經，因為佢係從7月5號keep住去到18號先停。然之後今日即8月13號又嚟M，想問係咪正常，呢個係咪事後丸ge副作用？
事後丸其中一個副作用係會令下一次月經提早/延遲嚟，所以你之前食個一粒事後丸就有機會令你嘅月經周期有轉變。如果真係擔心嘅話，都建議進行驗孕～