Cin1 with high risk hpv

最近得知感染了4隻高危Hpv ,cin1, 醫生話暫時吾駛做手術,觀察住先. 但我仲係好擔心,我而家單身,又未生bb, 我對將來好優心,成個人灰晒,做咩都無動力。工又吾返,仲成日擔心到病。我好明白保持樂觀既心情,同增間抵抗力對打底呢個病毒有幫助,但我仲係甘upsad…點算

即使係有CIN1都唔代表之後癌變,好大機會由你免疫系統清除左病變嘅細胞。即使情況再差要做手術,都未必會再翻發嘅。

你會唔會怕病情好快轉壞,令自己唔能夠達成某啲人生階段(結婚、生育),令你好困擾?

如果你擔心病況而令日常生活受影響,尋求專業輔導應該可以幫你紓緩一下。

1個讚

心情受影響係好正常啊,唔需要怪責自己,每個人都需要時間去消化一d意外消息。
不如由生活習慣入手?試下做多d運動,增加抵抗力。
醫生會定期幫你做檢查,現階段你要調整下心情先呢!

好多謝大家既回覆,無錯我就係擔心將來無人要,又擔心終身帶菌,成日淨係向吾好方便諗。我以前成日運動,而家3個月咩運動都無做過,感覺到身體低抗力差,病假放多左,再甘落去真係對病情無幫助,反而拖垮左自己

慢慢增加返運動量啦,你都好明白自己身體需要d咩 :slight_smile:
我都認識有人感染HPV,有呢個病毒的確係好無奈,但係都冇辦法啦,只有定期檢查同埋性行為時注意安全。
你要加油啊!HPV唔代表一定影響你以後的婚姻或者生育。