想問下係排卵期下體隔著很薄很薄的內褲懷疑碰到男朋友內褲上的前列腺液體（射精前的液體）會不會懷孕？因為月經已經遲來三至四天。
沒有任何插入式的性行為，淨係進行過口交
應該唔會掛 啲pre cum唔係會俾布料吸收 精子就冇辦法生存啦咩
Hello~你呢個狀況意外懷孕嘅機率係好低嘅，可以先放心
你提到嘅體液應該係尿道球腺液 (亦即係俗稱Pre-cum)，佢確實係帶有少量精子嘅，不過因爲精子需要喺體液中先生存到，而男朋友嘅尿道球腺液隔咗兩重衣物 (佢嘅內褲+你嘅內褲)，精子已經不可能生存，所以都唔會導致懷孕嘅。
至於你月經遲到有好多唔同嘅可能成因，例如生活有啲轉變、感到有壓力、食藥等，所以都唔需要太緊張，月經週期只要喺23-35日内都屬於正常狀況嘅
應該係隔著我嘅底褲直接掂到佢底褲上嘅液體，咁樣懷孕機會都好低？
想問埋係咪只要性器官無直接掂到就會無事呢？
本身真係好擔心唔知道可以同邊個講，多謝你哋。
Hello~其實只要性器官冇直接接觸，懷孕嘅機率都係非常之低嘅。精子暴露喺空氣中通常幾分鐘內就會死亡，而且精子需要有精液嘅保護先可以生存，所以當接觸到皮膚、衣物纖維、紙巾等表面嘅時候，精液會被吸收同揮發，進一步減低精子嘅存活率。另外。你都可以想像下精子係人，人係唔可以穿牆嘅，所以隔住底褲嘅話係冇可能導致懷孕嘅，唔需要擔心🫶🏻