好擔心懷孕

月經一向都不太準確,有時遲兩三日,有時遲一個禮拜多啲,對上一次月經第一日係7月4日,上個月第一次破處,都比正常月經遲咗9日左右,今個月仲未嚟月經,已經遲咗兩個禮拜,但每次同男朋友性行為都有用安全套,每次臨射之前男朋友都會睇下個套有冇穿,內射完攞返出嚟都會check下個有冇穿有冇漏精液,完事後雙方都會攞紙巾抹乾淨,8月14號開始發燒生病,食咗唔少中藥西藥,請問藥物會唔會導致經期延遲?

最近一次同男朋友進行性行為係13號,有帶安全套,月經遲咗咁多好驚有咗,分別係14,16,18號用萬寧牌驗孕棒,三次都係1條線,18號係用晨尿,其他兩日唔係,好驚係因為藥物影響而導致驗孕結果有錯

今個月9號有m痛,平時月經第一日都會m痛,屙咗一篤深啡好色小便,如廁後有紙巾抹都有深啡紅色液體,但全日淨係得呢篤小便係咁,全日m痛,第二日正常,請問呢次算唔算月經?

Hello你好啊
明白發生性行為後會擔心懷孕:pleading_face:不過你同另一半都做得好好啊!每次都使用安全套,完事後會檢查個套有無穿,咁其實係好安全㗎:+1:t2:

見到你話平時月經都唔係太準確,其實月經嘅週期係28-35日,所以未必話上個月4號嚟,今個月都係4號嚟咁準確,再加上月經週期受好多因素影響,例如生活作息、情緒、有無食藥等,見到你今個月都病咗,有食藥,所以都會影響經期㗎~

另外,驗孕棒其實係透過尿液測緊hCG嘅水平。而hCG就係如果真係懷孕,當受精卵著床,身體就會分泌嘅一種荷爾蒙,而hCG嘅分泌會隨著懷孕嘅日子增加。一般來講,7日已經會有足夠嘅水平可以檢測得到初步結果,11日之後就會有好準確嘅結果。所以如果你擔心嘅話,可以喺20號時進行驗孕,咁就可以有初步嘅結果,而係23號驗孕,就可以有準確嘅結果~

最後關於m痛同小便方面,其實好可能係月經前嘅徵狀,所以可以留意多幾日,睇下有無月經,如果遲咗3星期或以上,可以考慮睇醫生,睇下有無需要食藥

想問係咪姐係藥物唔會影響驗孕結果?
同埋萬寧牌驗孕棒可唔可信?

一般傷風感冒藥係唔會影響到結果嘅,只要係有信譽有信譽的藥房或大型藥妝店購買都係信得過嘅~ 不過正如上面所講,你之前驗孕嘅日子係未有足夠可以被檢測到嘅hCG,所以最安全都係等多幾日再驗:smiling_face: