小弟今年20歲，今日用完飛機杯之後發覺自己個龜頭完全外露出黎，著褲嗰陣時感到唔太舒服，之後嘗試將包皮推上去，但係之前個包皮係完全覆蓋住龜頭，而家會半露出黎，想問下有冇解決方法定係一定要割包皮？
Hello～一般情況嚟講包皮過長或者過窄令到龜頭無法完全露出先至需要割包皮，所以你嘅情況係屬於正常嘅，唔需要割
。其實有唔少人喺細個嘅時候包皮係可以完全覆蓋龜頭（講緊唔勃起嘅情況下），但係大個咗就算冇勃起，龜頭都會完全露出，呢個係一個正常嘅生長情況。雖然唔係個個人都會有呢個轉變，但係完全唔需要擔心唔正常。而呢個轉變亦同打飛機無關，雖然有機會令到龜頭嘅敏感度增加，令陰莖容易勃起咗，但呢個唔係一個需要必須解決嘅情況，順其自然就得㗎喇～
如果你對於割包皮仲有疑問嘅話，可以參考以下呢個post 割包皮分享
希望可以幫到你🫶🏻
多謝你既回復，想問多一句，就係而家龜頭同褲不停磨擦搞到好唔舒服，想問下之後係咪會變好？
好似我上面咁講，龜頭露出來嘅話，陰莖嘅敏感度係會上升嘅，只要唔好擺咁多注意力喺陰莖度，就會冇咁唔舒服🫶🏻
唔該哂你，我又唔敢問屋企人，你真係幫左我大忙
1個讚
唔好意思，又問多一句，自從個龜頭外露出黎，就一直同條褲磨擦，而家個龜頭好似紅左少少，係咪都正常？
睇返你既情況，你本身包皮係可以覆蓋住龜頭，而當反起包皮時係可以完全外露，呢個係正常既情況，只要龜頭能完全外露，就好似樓上同事所講，你無割包皮既需要。而且你宜家係因為龜頭外露，所以覺得不適，如果割包皮後，龜頭就會長期外露你會感到更不適。你可以係陰莖軟時嘗試將包皮覆蓋住龜頭才穿內褲，咁樣會減少龜頭同衣物既摩擦，同埋你可以考慮穿著三角款式既內褲，減少穿鬆身內褲，如孖煙囪等，就可以減低摩擦。而且當龜頭外露時間愈長，敏感度自然會減低，到時亦唔會咁敏感，就唔會太唔舒服。
1個讚