之前冇任何性行為經驗，上個禮拜同男朋友有著內褲同外面既褲（大家都係著薄既出街褲）咁進行左性行為，佢亦都有射到係自己內褲到，請問咁樣會有懷孕機會嗎？
另外，呢個行為既第二日我就黎月經，比原定早左一星期，請問係正常嗎？謝謝
你好～ 唔使擔心，精子係唔能夠穿過布料嘅，而且精子喺接觸咗空氣同其他物料之後都會喺幾分鐘內死亡，加上你嘅月經已經出現，可以證實係冇懷孕㗎啦：）
至於月經方面，月經係由人體幾個繁複嘅系統互相影響下形成嘅生理現象，所以好容易受到其他因素影響月經週期嘅長度，例如飲食、作息、荷爾蒙分泌、服藥、情緒等等，都會影響到月經，所以會有浮動都係正常嘅～ 要留意嘅係，月經周期嘅健康範圍係27～35日，只要浮動得仍然係喺呢個範圍內都唔需要擔心：）
謝謝你