你好，我經期一向都唔准。
係6月經期係3/6-8/6, 7月係 14/7-19/7 呢度已經遲咗成個禮拜。
係7月21日同男朋友情到濃時，冇帶condom 就發生咗性行為，冇內射到，後尾7月24日就去咗家計會食事後丸，食120小時的。我知道食事後丸會對經期提早or 延遲。
係8月7日有發生性行為，今次有用condom , 後來都係用驗孕棒去check , 係陰性。
根身預計係8月16號嚟，結果到8月20日(今日都未嚟) 就好擔心會唔會有咗or 唔會嚟M .前4,5日個胸好痛，但到今日已經冇痛
好擔心冇嚟M or 遲遲都唔嚟
另外，我24號約咗身體檢查做盆腔檢查，因為覺得我嚟M成日遲嚟，每個月都退後一個禮拜，所以一直都好擔心。
Hello
你好，多謝你既問題。你係7月21日個次不安全性行為，而事後有食到事後藥，相信懷孕既風險唔會，而且你係8月7日後有自行驗孕，結果又係陰性，其實已反映左係7月21日既性行為係無懷孕。至於8月7日既性行為因為有安全措施，所以懷孕風險都係低。不過想了解一下，你係服食事後藥後，有無出現過撤退性出血？因為通常服食事後藥後都有機會有撤退性出血，而撤退性出血係可以視為一次月經，咁下一次月經就會延遲。但即使無撤退性出血都唔使擔心，因為有啲人服食完事後藥都係無撤退性出血既。
以目前情況睇，你懷孕既風險唔高，不過如果你唔係太放心可以再自行驗孕多一次，如果結果係陰性，就代表無懷孕。
另外，月經周期唔穩定其實好平常，你月經每個月都會延遲如果真係有困擾或者不便，建議你搵醫生跟進一下，睇下會唔會係其他因素影響月經周期。
冇啊，食完事後都冇撤退性出血
，琴日text 咗用電子驗，都寫冇懷孕
事後丸嘅其中一個副作用係令下一次嘅月經提早/延遲嚟，所以有機會喺你預計嘅日子都仲未嚟月經，係因為食咗事後丸。
咁我本身都遲一個禮拜，會唔會再遲多一個禮拜？
呢個係有可能嘅，因為你本身月經就唔準，而事後丸會擾亂你之後1-3個月嘅月經周期，所以無論提早定延遲都係有可能嘅。我但係如果遲多過三個禮拜以上，就需要搵醫生睇吓需唔需要開催經藥俾你啦！