你好丫
我係一個29歲嘅男性
有5年嘅召妓歷史
最後一次係4月27號
當時完左之後唔知點解明明做咗安全措施都怕自己中性病
於是7日後去左做人生第一次嘅驗血
等左3日出左報告
乜事都冇
再等多三個月 去左一間私營醫療所都做一次全套驗血測試
結果發現hsv1&2 igg positive
當時真係好驚
心諗會唔會係驗錯呢？我三個月以黎都冇病徵
點會有hsv2 igg抗體丫？
上網查左好多資料 愈睇愈混亂
愈睇愈擔心 搞到自己精神壓力好大
結果又生唇瘡(冇錯 係又生 因為我細個已經生開)
於是去左另一間私營醫療機構都採樣本同驗血
個日係8月8號
等左都有一個星期 係期間8月15號都去咗私家醫院抽血驗
咁基本上叫同一日出報告啦
8月8號採樣本結果係唇瘡證實係hsv1
驗血報告 hsv1 igg抗體係positive >200 RU/mL
Hsv2 igg抗體係negative Ratio
8月15號只係驗hsv2 igm&igg
結果係 igm 0.4 AU/mL , igg 2.5 AU/mL
拎咗報告俾家庭醫生睇
佢叫我當自己中咗 仲開左一個星期嘅抗病毒藥俾我
依家日日都好擔心會傳染到人
你好，知道你睇左醫生都可以放心，首先我想你知道HSV 1型同HSV2型既分別。 HSV病毒係我地平時叫既疱疹，可分為第一型疱疹和第二型疱疹兩大類。第一型疱疹(HSV-1) 就係平時會生係口腔、嘴唇、鼻子、下巴既唇疱疹，呢個唔係性病黎，好多時都會通過母親傳播/接吻，如果孕婦係懷孕時有發過唇疱疹，病毒都有機會傳播俾胎兒，而係免疫力低時就會係嘴唇附近既面部發作，所以你近期有壓力，都會引發唇疱疹，唇疱疹係好普遍的，好多人都有，亦唔係性病，只要係發作時唔好同人接吻或觸摸，都可以減少傳播。
至於第二型疱疹(HSV-2) 就會影響生殖器官位置，由於發作位置係性器官所以係性病一種，不過由於宜家性行為既模式多元，好多時候疱疹一型都有機會經口交，而由唇部傳染到性器官。因為唔知道你性器官係咪有病發，但可以肯定你一型陽性係因為你唇瘡病發既反應，而二型抗體就代表你曾經受感染。目前你記得根醫生指示完成療程，都可以令病毒唔再發作，不過病毒係唔能夠完全清除的，會潛伏喺身體之內，只要保持免疫力強就唔會咁容易發作。所以你最緊要令自己免疫力強，亦唔好畀自己有太大壓力，咁就可以減少病發嘅機會。而喺冇病發嘅時候，其實係冇傳染性嘅，咁當然發作時就唔好有性行為同接吻，而性行為嘅時候記得要採取安全措施咁就有更大嘅保障。
多謝你解答我
上網搵左好多資料
其實都清楚Hsv1&2嘅分別
陰性個份報告返黎話我10-14日可以再覆驗
其實我依家食緊抗病毒藥物
未完成成個療程去驗血嘅話
會唔會影響到報告結果？
同埋點解會過晒空窗期都會一次陽一次陰？
如果你宜家未完成療程, 就完成後再去驗, 咁先可以清楚了解病毒情況。