食咗事前藥（優悅）大概14個月，直至7月19日停藥（開咗新一排，食咗頭兩粒）。上次月經為7月17日。到咗今日8月21日未見有月經
已驗孕，無中招。
本身想安全避孕，性行為絕大部分情況有戴套既情況下，想食埋藥安心啲。但似乎因為食得太耐事前藥，月經量變得好少，幾乎兩三日就完（以前未服藥頭幾日都要用32cm先得，食完藥後用28cm都綽綽有餘….），感覺好不安，而且服藥後有時會頭痛同埋比較攰同瞓得唔好（唔確定係咪藥既原因），所以唔想太依賴藥物，始終藥有三分毒，雖然當時開咗新一排，但思前想後決定停藥
明白身體調理荷爾蒙需時，但係都想快啲調理翻好，唔想日日心掛掛黎M未 最近有時會下腹有隱隱地痛，分泌物多咗，有時好似有少少啡，今日抹時見到血絲，不過都仲未黎。請問停事後藥既呢幾個月，可以食白鳳丸調理身體同埋月經嗎？感激不盡
Hello 首先想講返先，其實食咗事前避孕藥之後嘅所謂月經，並唔係真係平時真正嘅月經，某程度上佢係一種人造嘅月經，因為食咗藥之後身體會抑制排卵，子宮內膜會增厚到停藥嗰陣先至剝落，呢啲陰道出血就係食避孕藥時嘅月經，所以量變少都係非常正常。
不過其實唔同牌子嘅避孕藥都要睇夾唔夾，一般嚟講副作用都只會係食避孕藥嘅頭三個月出現，之後就唔會出現。如果三個月之後都仲有副作用，或者食咗一段時間之後突然有副作用，就代表隻藥未必適合你食，或者身體有變化而導致唔適合食。
你而家嘅情況都比較似係開始排卵，而其實如果長期食避孕藥，停咗之後排卵都會比較遲先出現，月經都一樣比較遲先會出現，所以你33日都未有月經都算係正常。不過都會建議你睇一睇醫生，因為你提到你食咗藥之後都會有唔舒服嘅情況，同埋一般嚟講其實食咗避孕藥一年都最好睇吓醫生，睇吓身體係咪適合。
好多謝你抽空解答我，仲咁詳細
繼續支持你地！
唔好意思，今次想問下關於月經既問題
停藥後，我目前為止都黎左兩次量比較相似及正常既月經（21/8，1/10）
去到今個月，我係24/10出現左好少量既淡啡紅分泌物，如廁後抹先有，唔會漏落護墊，持續到今日（31/10）都係咁，期間27-30/10會偶爾抹到好似正常月經既血（鮮紅色，果一下既量同以前黎M時抹到既差不多），亦都有出現腹痛…
因為出現左呢啲分泌物後好困擾，又唔似正常月經咁
補充少少近況：工作壓力大左；安全性行為；食藥前既月經量都唔係咁少；平時坐得多，但都有浸腳幫忙下血液循環
想問一下：
先感謝你地抽空解答
Hello, 見到你既情況有安全性行為可以先排除懷孕嘅可能性。而分泌物淡啡紅/鮮紅色有機會係排卵或者差不多嚟m嘅症狀，亦有機會係因為性行為期間因為磨擦而造成陰道受損而流血，其實呢個情況好普遍，大多數嘅成因都好容易解決。性交過程中用力過猛、動作過大、情趣用品使用不當等，也會造成陰道撕裂傷，增加出血的風險。只要減低性交嘅頻率，俾時間傷口癒合，使用潤滑劑，減少摩擦力，就可以避免下次出血。
另外，你都可以觀察吓啲分泌物會唔會有變色同有異味，或者質地有所改變。如果分泌物變得異常，或者覺得唔舒服，就可以考慮睇醫生了解返情況。
謝謝你既解答，我會再繼續留意呢個月既情況再選擇去求醫~
都想再講一講呢排分泌物既形態：有時好似普通既M咁，有時比較似係水狀或白帶之類分泌身撈左啲血，抹一下至幾下就冇，持續了一星期。
我既情況黎講，似乎陰道出血既可能性比較低？因為最後既性行為時間係21/10，而出血時間係由24/10開始
而呢次出血持續左一星期，亦係同上次月經間隔左二十幾日先出血，時間好尷尬，好似又唔算係排卵期
依家每次黎M都好戰戰競競…
補充：上次月經前兩日出現過淺啡紅分泌物。
再請問一下：
Hello, 停食事前避孕藥之後，身體需要時間適應，會令到月經週期同埋經血量會回復未食用避孕藥前嘅情況。係停藥初期可能會出現撤退性出血，同月經好相似通常都係7日左右，少量嘅出血係正常嘅；或分泌物有變化，會多咗水樣，透明偏奶白色，帶有黏性，好似蛋白嘅狀態，但無異味，尼啲分泌物都係正常嘅。但假如分泌物嘅顏色為黃色、綠色、帶血，而且量變多，並且出現異味同埋痕癢，有可能係因為冇妥善清潔性器官所造成嘅發炎，或者係其他性器官疾病嘅感染，如果有嘅話就要盡快睇醫生。
而月經前流啡係正常嘅，啡色嘅小出血或者血絲，係屬於子宮內膜脫落嘅一部分，通常係月經前發生，所以會有啡色/血絲嘅分泌物。