琴日同女朋友玩左兩round
第一round冇插入去，但係幫佢口交嘅時候不斷有d白色物體分袐出嚟，想問點解
之後射咗係佢身上面，射完用紙巾抹乾晒之後去咗沖涼，之後洗完隻手乾淨晒。
然之後第二round有戴安全套，冇帶錯，入嘅時候佢都係不斷出白色物體，想問點解？最後都係射咗係身上面。事後check安全套係冇穿。
我問吓我哋咁樣會唔會有懷孕風險？
Hello~你提到嘅「白色物體」其實係「白帶」，係女性陰道嘅天然分泌物，只要無異味或變黃/綠色就唔需要太擔心
至於懷孕風險，主要見到第一次嘅性行為係冇使用安全套，字面理解你應該係體外射精，其實性器官有直接嘅接觸，就會有意外懷孕嘅機會。因為男性係性興奮嘅時候會分泌尿道球腺液，當中都含有少量精子，所以比較返嘅話，第一次嘅性行為就會有較大嘅意外懷孕機會。
但係第一次嘅性行為我哋冇任何接觸喎
同埋其實如果沖涼之前用紙巾抹走晒先去沖涼，沖涼嘅時候啲精會唔會有機會流入去女朋友嘅陰道入面？
Hello~性器官冇直接接觸嘅話，懷孕嘅機率係近乎零嘅。精子暴露喺空氣中通常幾分鐘內就會死亡，而且精子需要有精液嘅保護先可以生存，所以當接觸到皮膚、衣物纖維、紙巾等表面嘅時候，精液會被吸收同揮發，進一步減低精子嘅存活率。加上精子係冇自主意識嘅，佢唔會識得通過水進入你伴侶嘅陰道，何況精子接觸到水好快就會死亡，所以你女朋友懷孕嘅機會係好低嘅，幾乎等於零，唔需要擔心
🫶🏻
女朋友上次11/7嚟m 但係而家佢今次都仲未嚟 想問點解 好驚….
Hello你好啊
明白擔心會懷孕，首先可以進行驗孕，見到距離上一次性行為已經過去11日，就會有準確嘅結果㗎喇！
假如進行驗孕後，結果係陰性，我地都建議盡快睇醫生，做檢查睇下係咪有子宮內嘅疾病，咁就可以清楚了解身體嘅狀況。月經遲咗咁多都唔理想嘅
，都想了解下最近有無咩習慣上嘅改變，例如過度減肥，都會影響月經週期㗎。
如果女朋友啲經期成日都唔係好準 相隔咁耐算唔算正常？
月經周期唔準係好多女性常見既問題，通常都會以大概28日為一周期作基準，如果提早或延誤7日內其實都係可接受範圍之內，但如果周期日數偏差太多，如超過14日等就需要睇下醫生，睇下會唔會係其他原因引起周期不準。正如同事所講，都建議女朋友要去睇醫生。
女朋友上個禮拜嚟完m（七日），佢話前幾日同前日下面都有啲啡色分泌物，想問點解同埋係咪一定冇哂懷孕風險？
如果你對上一次性行為係喺嚟M之前發生，咁都可以肯定係冇懷孕風險架啦。至於啡色分泌物，好大機會係排卵期出血，就同懷孕冇關啦。
佢今日又話有啡色分泌物，想問排卵期出血會唔會係一個period之內出現兩次？
照道理，女性一個月只會排卵一次。但分泌物狀態都受到唔同因素影響，例如係經期前徵兆，又或者係生活作息，飲食習慣，情緒壓力等影響荷爾蒙變化。
不過排除呢啲可能性，佢之前已經嚟咗m，係咪一定冇懷孕機率？
嚟咗M嘅話就可以好肯定嚟M之前嘅性行為都冇導致懷孕！可以放心！至於啡色分泌物除咗上面同事所講嘅原因之外，性行為之中磨擦得太激烈，或者係指交/自慰嘅過程之中陰道畀指甲刮損等等，都有機會導致啡色分泌物嘅出現，唔一定同懷孕有關，所以唔需要諗太多
。一般嚟講，只要全程正確咁使用安全措施，避孕嘅效果都可以達到97-99%，所以係唔需要太擔心嘅🫶🏻