人工流產後即打避孕針

如題,打完之後大半個月發生過性行為。
到宜家已經係術後一個半月,但經期仲未到,係咪唔正常?
我打嘅係一個月一針

Hello~因為避孕針屬於高劑量嘅荷爾蒙藥物,佢嘅副作用較大,身體需要適應嘅時間亦都較長。所以一般嚟講頭三個月嘅月經周期都係唔規律嘅。而通常打咗避孕針之後,經血量都會變少,有部份女性甚至會直接嚟月經,而呢啲情況都係正常嘅,所以就算你今個月冇黎月經都係唔需要太擔心嘅。只要按返醫生嘅指示,每月定時定候打針,咁係唔需要擔心懷孕嘅。你都可以選擇喺下次打針嘅時候問一問醫生或者姑娘,睇吓有冇可能係呢隻避孕針荷爾蒙劑量太大,唔太適合你,亦都可以同醫生商量吓,睇吓會唔會同你換過第二隻牌子嘅避孕針。

1個讚

因為已經打咗兩針,其實係咪會已經有一定嘅成效?

睇返研究顯示,如果完美使用避孕針嘅避孕率高達99%,如果都係擔心嘅,當然都建議你配合安全套一齊使用:raised_hands:

1個讚

感謝兩位,已經黎經。但比以前經痛得犀利

如果嚟經嘅時候出現下腹疼痛或痙攣嘅情況,咁係暫時因荷爾蒙變化而導致嘅~一段嚟講等身體適應左就唔會再有咁唔舒服嘅感覺,可以放心:relieved: