放唔低ex 點出pool

同ex分手都已經有三四年
我同佢只喺拍咗拖半年左右
但佢我喺初戀
所以到宜家都未放低得曬
間唔中都會想起當時自己無好好珍惜佢
又做得好差
連普通送禮物講情話接放學個d都懶懶閒冇乜做
(我知我就喺大仆街隨便鬧我)
咁我其實都已經分低咗好多
但有時訓覺或者行街都會想起佢
咁我朋友就叫我玩app出pool
話只要我出pool就會忘記到佢
但一來玩app又好危險唔知識咩人
二來我都未完全放低哂又同人拍拖
但咁又變咗有雞先定有蛋先
出pool就忘記到定喺忘記到先出pool
我應該點做 :sob:

Hello~好明白,你對於冇好好對待對方心入面有一種持續嘅愧疚:smiling_face_with_tear:,因為覺得自己其實可以再做好啲,所以一直責怪自己,咁樣係好辛苦嘅。相信對方喺你心入面一定有一個好重要嘅地位,所以令到你過咗咁耐都仲未忘記到佢。其實呢樣嘢係唔需要急嘅,冇人可以逼到你一定要忘記佢,所以你未準備好嘅話其實唔使咁急住要搵下一個嘅。好似你咁講,如果呢個時候搵下一個,其實你都唔係全心全意咁愛對方,甚至有可能係想跟住初戀嘅模樣,去搵下一個,對對方嚟講係唔公平嘅。而就算出咗Pool都好,都唔代表你就能夠忘記你個ex,所以如果未準備好嘅話,唔建議開展一段新嘅關係。

俗話都有講「初戀係美好嘅」,一定有啲嘢令到你留戀,所以先至唔捨得放開呢段回憶。你會唔會介意同我哋分享多啲?

其實呢~愛情呢樣嘢係冇任何規則,或者先後次序可言嘅,有好多嘢都好講緣份。玩app的王係會有潛在風險,不過其實同你喺現實識人都一樣,好睇大家嘅價值觀啱唔啱,同埋大家對於愛情嘅期望同埋付出是否一致。所以如果覺得攰嘅話,可以試吓順其自然,唔使強迫自己去作出任何改變。增值自己,豐富自己嘅人生經驗同埋歷練,比起盲目咁尋求愛嚟得更加重要🫶🏻。

佢喺一個好好又好靚嘅女仔
仲要係佢追我嘅
而我只喺個唔靚仔又毒又唔識講嘢嘅毒男
而佢都真喺好愛我
會好為我著想
我feel到架
但我就喺好仆街
覺得佢唔會走就懶懶閒
佢講過嘅嘢又冇在意
佢願意為我付出好多
但我又冇咩為佢做過d咩
結果佢就搵咗個原因同我分手
但個個唔喺真正原因
事後認真傾時佢都有講個真正原因喺唔夾
雖然分手喺平靜咁分手
但佢之後都block曬我所有嘢
應該喺唔想再諗返起我再同我有聯絡 :sob:
仲要其實佢喺唔喜歡用social media好保護私隱嘅人
所以都冇咩人會知佢ig可以follow到
所以我想知佢近況都唔會知得到 :sob:
最近同朋友傾開先又講返起我感情狀況
佢哋覺得其實已經分手幾年
我哋都只係拍得半年拖
根本好易就會放低到
所以佢哋就喺覺得我喺差個新女朋友
只要有新女朋友就會自自然然忘記到佢
我都知唔喺咁好所以一直冇做
但會唔會咁先喺唯一出路 :cry:

就好似同事所講咁樣,愛情係冇任何既定規則或者先後次序嘅,所以如果呢個念念不忘嘅情況一直影響住你,或者你可以先處理你心入面對EX 嘅情緒同感覺先,再拍唔拍拖、玩唔玩APP、開唔開始一段新嘅關係都係後話嚟嘅~

咁可以點處理呢?你可以嘗試寫一封信比佢,唔一定要真係比佢,但係以佢為對象,將你對佢嘅所思所感都寫低,一嚟可以幫你疏理你嘅思緒,二嚟亦都可以安放你嘅情緒同感覺。你可以慢慢修改,到你完成之後,再決定到底需唔需要再聯繫佢或者真係將呢封信交比佢,相信到時你對於佢、感情關係同埋自己嚟緊想點都會有新嘅諗法:)

希望以上建議幫到你:)