8月18號黎第一日黎m然後夜晚食左第一粒嘅(Yaz 28粒避孕藥) 然後今日26號夜晚無套外射，咁樣安唔安全
第二樣嘢就係，星期四黎完m, 今日流出黎嘅水係黃黃地帶啲紅，冇異味。咁樣係咩問題
Hello
如果你係第一日月經嘅時候食避孕藥嘅話，其實藥效已經發揮，所以即使你發生唔安全嘅性行為，都唔會有意外懷孕嘅機會。
至於你話流出嚟嘅水，你係講緊尿液定係陰道分泌物？如果係陰道分泌物嘅話，就有機會係前幾日嚟月經所剩下嘅血被排出，冇異味同埋唔舒服嘅話，呢個情況都屬於正常。
1個讚
避孕藥99%有效，淨低1%係咩因素
99%有效係講緊你完美使用避孕藥作為避孕措施，剩低1%就係講緊失效嘅原因，例如因為肚痾或者嘔吐導致藥效失效，或者漏食藥等等～
係咪只要黎月經第一日開始食，藥效就已經生效？所以我今日比男朋友內射左係咪都安全？
係啊冇錯，18號食到而加，身體已經發揮緊藥效架啦～
所以只要每日準時食就唔會有事？咁適應期係代表啲咩？
係，要每日都準時食藥，咁就可以完美發揮避孕功效。
至於你講既適應期，應該係指由第一日開始服食避孕藥的頭3個月，因為唔係每個人都適合食避孕藥，又或者唔係每隻牌子都人人啱食，所以每個人服食避孕藥時都有個適應期，係適應期內可能會有唔舒適，如：乳房漲/噁心等不適。如果你服食至今無嚴重不適，即代表隻藥都適合。
另外，初次服食避孕藥，都會建議返大家係頭7日服食時，如果有性行為都要採取雙重避孕，即服食避孕藥同時使用安全套，因為頭7日身體未咁快建立到避孕功能，所以採取額外安全措施才可更有保障。
我係食左藥嘅第9日先有無套性行為
1個讚
咁就OK， ７日後已可停止雙重避孕。
陰道內有血絲冇異味係咪正常？
今日係服藥23天，係咪一定會係嗰4粒白色到黎m?
你好～ 如果近期有外來物插入過陰道，過程中有造成傷口，咁可能會有血絲出現，因為一般因適應避孕藥造成嘅出血都比較會係啡色一滴滴，而較少會係新鮮嘅血絲～
理論上隨住身體適應避孕藥，月經係會喺4粒白色藥期間嚟嘅～ 但因為你仍然喺適應期內，都有可能係因為咁而未能夠做到食白色藥時先至嚟M，因而早咗開始嚟M～
你可以觀察吓嚟緊幾日係咪已經開始嚟M，如果係，咁就應該係嚟M前嘅少量出血，咁就唔使擔心喇：）
係插入左自慰棒，不過係偏啡色。
會唔會有機會過4粒？有副作用係咪代表已經生效
有副作用未必代表藥效已經發揮，因為嗰啲副作用其實當你身體唔舒服嘅時候都有機會出現，反而應該係睇你每一日有準時食藥嘅話，就代表每一日都有藥效維持避孕功效。
所以月經會唔會遲過嗰4粒白色？
呢個問題並唔可以準確答到你呢，因為除咗藥物嘅影響，你身體其他情況，例如生活作息，飲食習慣，情緒壓力都會有影響。
我之前食yaz 食咗8個月，體重的確冇增加但係經常提早來M。我係睇家計會開藥的。姑娘話頭三個月有呢個反應係正常，但係已經食咗一段時間就建議我食第二隻藥。剛剛今日食新藥第四日，今個月試試會唔會有呢個情況。我都有問過私家婦科醫生，佢話食Yaz 有部份人會係咁樣嘅情況。因為劑量太低。所以我轉食了Yasmine
因為每人嘅體質唔同，消化代謝荷爾蒙嘅速度亦都唔一樣，所以有機會係上次嗰隻避孕藥唔適合你，先至會出現持續咁耐嘅副作用。不過好似我哋上面同事咁講，由於荷爾蒙嘅劑量唔一樣，所以身體都係需要啲時間去適應新嘅藥物嘅，除非出現持續嘅不規則出血，如果唔係都唔需要太擔心～