你好，我上一次月經係8月6號，呢個月係8月20號凌晨3點左右，進行左一次性行為。全程有用安全套，一直都係女上男下既姿勢，最後男朋友射左個刻就已經立刻抽出，而我陰道則夾住左半個安全套，圈係係出面既，但我太驚太緊張，即刻用手扯番出黎，所以唔知精液有無掂到外面陰道。我見到有少量精液係安全套入面，之後個啲應該都漏曬係佢肚到。
之後我太緊張 唔記得用水測試安全套是否破損。我就用紙巾抹下體同去沖身。
跟住20號既下午3點我就去左睇醫生食左事後丸（72小時內食兩粒個隻）食完無屙嘔
日日都好煎熬、因為20號前兩三已經有大量必泌物、所以我估計係排卵，危險期特別驚。
之後我忍唔住係8月26號下午驗左一次，係negative 但成日都型住有個「空」覺得係postive。
呢兩日亦有種谷血既感覺 但撤退性出血無月經 好驚
Hello 基本上如果你有係限時內食到事後丸嘅話，其實都唔需要擔心會有懷孕風險，因為佢嘅成功率都係接近100%。如果真係擔心嘅話，都可以去可靠嘅藥房，或者大型個人護理商店買牌子可靠嘅驗孕棒，喺性行為之後11日自行驗孕，即係大約8月31號驗孕，咁呢個結果都已經會係非常準確，可以客觀而準確咁話俾你知有冇懷孕。而因為事後丸係非常高劑量嘅荷爾蒙藥物，所以會有唔舒服嘅感覺都係非常正常，唔使太擔心。
姐係我食左事後丸都第8日啦～都會咁遲先有反應？想問下 我個case其實懷孕機會大唔大…
其實食咗事後藥都唔一定必然會有撤退性出血，唔同人都可能會有唔同情況，並唔可以單靠呢樣去判斷有冇懷孕。而你懷孕機會其實好低，所以唔使太擔心。單靠身體狀況係唔可以知道係咪有懷孕嘅，亦都唔可靠，所以要確切咁知有冇懷孕嘅方法就係驗孕啦。
腹痛連續痛咗四日仲會越嚟越痛，加上今日開始腰痛越嚟越驚，啱啱再驗係Negative，呢次係咪唔可以作準？係咪要等多兩日先？
基本上你而家驗都已經會有初步結果，如果真係唔放心，都可以係個次性行為開始計起11日再驗多次，咁個次結果就已經會喺非常準確而可信架啦，如果驗到係陰性就係冇懷孕㗎喇，冇必要再驗。
至於腹痛，一般嚟講事後藥嘅副作用都未必會痛咁耐，但都同懷孕係冇必然嘅關係。你可以觀察住先，如果腹痛嘅情況持續，或者你覺得情況令你覺得困擾的話，都可能要考慮一下要唔要睇醫生了解返個情況。而腰痛就可能同坐姿或者日常習慣更加有關係，同事後丸或者懷孕都未必有關，唔使太過擔心。
今日再驗左係陰性，20號係咪計第一日？今日算day14?咁我係咪可以放心？今次買個隻驗孕棒佢寫住是否含HCG（閥值25mlIU/ml) ，唔係晨尿，咁我會唔會因為低過呢個數值而驗唔到…
岩岩抹左啲粉紅色既分泌物…過左幾個鐘都無血出。如果我驗左係陰性…應該唔會係著床出血架可….？
你好～ 理論上會係21號計第一日，但你而家都已經係喺性行為後11日以上進行驗孕，所以結果都係準確架喇：）加上你喺限時內已經食咗事後丸，所以懷孕嘅機會係微乎其微～ 你可以再觀察下嚟緊嘅血量會否增加，同埋顏色會唔會比較接近正常月經，如果係嘅話就係撤退性出血，咁就更加唔使擔心喇～
如果腹痛同腰痛嘅情況持續而你又好擔心嘅話，都可以考慮去睇醫生，睇吓有冇其他健康狀況～
希望以上回覆幫到你啦～