食咗避孕藥6個月，想知道喺停藥期未嚟m前無套都有避孕效果？我一般停藥第四日下晝嚟，如果停藥第一日無套係咪都可以避孕？
會唔會有機會喺停藥期突然排卵架？
係5個月先啱，唔好意思
仲有條問題，食完抗生素療程後7日有帶套，咁去到第8日係咪就可以繼續無套？但醫生本身講開嘅抗生素對避孕藥冇影響，自己想安心d所以食完7日內有帶套
Hello 避孕藥本身嘅藥效就係會抑制排卵嘅，而你都已經食咗五個月咁耐，避孕藥嘅藥效已經好好咁建立咗，所以即使停藥期期間都唔會突然排卵，唔洗太擔心。
另外都好欣賞你會考慮藥物嘅交互作用而額外做安全措施，的確部份嘅抗生素係可能會影響到避孕藥藥效嘅（但唔係全部抗生素），而你喺食完抗生素療程7日都有用安全套嘅話，係可以確保非常安全架啦。過咗7日之後，如果以避孕為目的嘅話，都冇必要用安全套，單靠避孕藥都已經足夠。