去家計會配咗事前，今個月嚟m嘅第五日開始食第一粒，我食嘅係安意避。連續食咗5日，每日都係準時夜晚9點食。之後食完第五粒後兩小時內同男朋友扑…射咗入去…
雖然配藥嗰陣家計會姑娘話食嘅第一粒就有即時避孕效果，但都係驚想問一下懷孕機率高唔高。
我喺家計會網站見到話經期第6日或之後先食第一粒就要用外用避孕方法，係咪第五日食第一粒就可以唔洗用？
但上網睇好多人講話要經期第一日食，食夠7日先有效，所以依家真係好驚
Hello~如果你喺月經週期頭5日内開始服用，只要按時連續食7日，身體就有足夠嘅藥物濃度，幫你有高達99%嘅避孕效果；如果喺其他日子開始食，咁就要連續食14日先有足夠嘅藥物濃度。當然喺首週開始食避孕藥嗰陣，都會建議你用埋安全套
姑娘講嘅即時避孕功效都啱嘅，只係你體內嘅藥物濃度未必夠保障你99%。
如果你喺開始食嘅第5日就已經内射，都有一定意外懷孕嘅風險，所以如果你真係擔心同埋想確保藥效嘅話，我會建議你喺72小時内服用緊急避孕藥，保障返自己