最後一次黎m 是7月21日，以前經期一直唔準，不過最近一年都大約在30日左右會黎。直至今日已經遲左8日，今個月有2次性行為分別在8月11及8月25，個人呢個星期都覺得又熱又攰，但熱既感覺今日突然消失左
今朝用過驗孕電子棒+排卵試紙都顯示negative，請問我是否需要等多一個星期後再驗?
Hello~關於月經週期，佢會受好多唔同因素影響，例如生活轉變、壓力、食藥等而提早/延遲開始月經週期，如果維持喺23-35日内都屬於正常範圍，你都可以持續留意身體狀況，如果有唔舒服或過多排都未嚟月經，就要諮詢醫生意見啦
至於你提到嘅其他身體跡象，有可能係月經前嘅正常生理狀況，唔需要太擔心。
而你想驗孕嘅話，因爲精子同卵子結合，到受精卵喺子宮璧着床，大約需要6-9日嘅時間，所以都建議你喺不安全性行爲後第6日驗孕，可以得到初步結果，再喺不安全性行爲後第11日再驗，咁就可以得到較準確嘅結果，所以你喺5/9再驗就會比較準確
1個讚