對上一次黎m係7月12號，6月同7月都分別食過一次事後避孕藥，未食事後避孕藥果陣都係兩個月先黎一次m，而對上一次性行為係8月7號，唔肯定男方有冇內射到，係8月13同8月21都用過驗孕棒得一條線，同埋成個8月都病左，發左兩次燒有咳同流鼻水頭痛等等，只係普通流感，直到依家亦冇feel到有任何懷孕既徵兆，想問下會係有左定只係遲黎m？
是咁的，喺上一次性行為開始計起11日驗孕，只要有跟足說明書嘅指示去做測試，個結果就已經會喺非常準確而可信架啦，所以可以唔駛擔心係懷孕先：）
而遲嚟M 方面，本身食完事後避孕藥，已經會因為攝取咗高劑量嘅荷爾蒙而影響之後嘅月經週期，加上你連續兩個月都有食到事後避孕藥，副作用會更加明顯～ 而且月經週期本來就會受到好多因素影響，例如情緒起伏、壓力過大、生活作息唔定時、飲食唔均衡、最近生病有服藥（特別係抗生素）等等。再加上本身已經係兩個月先嚟一次M，所以喺你身上出現遲嚟M 嘅情況都係正常嘅～
希望以上回覆幫到你～
謝謝你
想問下我洗唔洗再驗多次？因為上網睇有啲人話係要兩三個月先驗到有左
依家遲兩個月都係未黎m，前排胸有少少脹同乳頭好敏感，但過幾日又變返正常，自己完全冇feel到想黎m/真係有左既感覺，胃口又冇咩改變，係咪應該要睇下醫生，如果睇既話應該睇中醫定西醫？
其實你由性行為當日開始計起之後11日就可驗孕，個結果已經會喺非常準確而可信，但因為我地唔清楚你之後仲有無性行為，所以你可以計返日子再驗孕，如果驗孕結果都係陰性，即係已排除懷孕既可能，咁就唔使再擔心係懷孕而影響月經。不過即使無懷孕，但由於你無月經既時間算係太長，你都應該要立即搵西醫檢查一下，睇下係咩原因影響月經周期。