8/8第一天M到, app 顯示排卵期是8/23, 預計9/6 M到
8/18 & 8/19 不安全性行為了, 9/2用clearblue ultra early 驗孕一線, 但我體溫keep 著37度, 請問算準確嗎, 還是我太早驗了?
爬完文後, 看到回覆多數是性行為後11-14天已很準確, 但亦有其他說法是要排卵後14天濃度才會更高驗到, 到底那一個說法比較準確哩
而且也想問, 為什麼不是由排卵日開始計, 而是由性行為日子開始計哩, 精子存活應該多幾日, 之後再遇到卵子, 甘受孕日子不是應該推遲才驗到嗎?
你好~ 首先可以講解下驗孕棒嘅一啲原理,會方便啲解答你嘅問題。
驗孕棒其實係透過尿液測緊hCG嘅水平。hCG是卵子受精著床之後身體會產生的一種荷爾蒙。如果真係懷孕,當受精卵著床,身體就會分泌呢種荷爾蒙,hCG。而對大部分牌子嘅驗孕棒嚟講,身體去到性行為後11日,如果中途有成功受精再著咗床,都會已經累積到足夠嘅hCG 濃度,去驗出兩條線嘅結果~
咁所以呢喺9月2號進行驗孕,只要有跟隨指示去進行測試,個結果就係準確架喇~
至於點解係由性行為日子開始計算,而唔係排卵日開始計,係因為排卵日同月經週期一樣,都係會受到好多因素影響而浮動,所以app 顯示其排卵日其實都係根據過往月經週期長度嘅數據去作出嘅估計嚟,唔係一定準確架!
而性行為後11日起計算咗無論精子卵子幾遲遇上、受精同著床,都已經可以累積到足夠嘅hCG 作測試~ 所以一般嚟講,其實性行為7日後已經可以有初步結果,而11日後嘅就會再準確啲~
希望以上回覆幫到你~
多謝及時在迷惘中既回答, 今早是性行為後第15日, 今早晨尿驗clearblue digital 顯示no pregnancy
其實係1516既日子入面, 反而係心情忐忑比較多, 無論驗幾多次都仍然覺得唔準。
多謝有理性既專業回覆, 幫助梳理煩惱。
只能繼續等m期
明白你嘅擔心啊,真係會好不安嘅⋯但其實驗孕都唔一定要用晨尿都可以好準,如果兩次係14日後驗孕都係驗到陰性嘅話,其實都可以相信個結果都好準確架啦。
而其實好多因素都可能會影響到嚟M,例如情緒壓力、生活作息、飲食習慣等等唔同因素都會影響到,令到有時月經會早到或者遲到,未必係關懷孕事~如果每一次發生性行為之後都會令你有所擔心,會唔會同對方傾下有關安全措施嘅使用,咁就可以更enjoy,又安全!