我係處男第一次拍拖
我平時睇av都會中意睇啪啪啪
咁我有女朋友
佢曾經想聊過我想啪啪啪
但我唔知點解會覺得驚
第一下係感覺佢陰部係核突
所以唔想見到或者接觸
但明明其實我未見到佢陰部的
結果最後都係口交完事
其實類似事情已經發生過兩次
我都唔知點解會咁
明明睇av都中意睇啪啪啪
但點解實戰又會咁。。。
雖然個兩次女朋友都冇講咩
但我知佢應該都係好想啪啪啪先會聊我
但已經兩次都令佢失望
唔知可以點面對佢。。。
下次再staycation都唔知點算好
我係咪有咩問題。。。
Hello~你介唔介意講多少少你對於女朋友嘅睇法？點解你會覺得佢嘅陰部係核突嘅？但係內心又唔抗拒AV入面嘅情節？如果係擔心個人衛生方面嘅話，其實可以喺性交之前沖咗涼先，一齊沖涼都不失為一種情趣，可以提升雙方嘅性慾，同埋加強親密感🫶🏻。相信你都好希望能夠滿足到你朋友嘅需要，但係如果真係未ready嘅話都唔好強迫自己去做
，建議你同女朋友傾吓，討論吓喺性行為嘅過程之中大家嘅期望係咩，同埋點樣做先至可以令到雙方都舒服。你亦都可以先從撫摸入手，隔住底褲摸對方嘅陰部，再伸入去，但係唔望對方的陰部住，一步一步嚟，慢慢探索下，希望你可以克服到恐懼啦！
我都唔識講。。。
我都喜歡我女朋友同埋佢都係靚
同埋佢幫我口交都好舒服
但琴晚有認真想過
平時睇av都係打格仔
之後我今日試下睇有特寫真正陰部av
我都冇扯旗唔覺得有咩吸引
所以其實可能只係我覺得個姿勢好正
但唔係真係覺得陰部好正
但係咁樣點啪啪啪。。。
點算。。點會咁。。
聽你咁講，似乎你覺得女性嘅陰部對你嚟講冇特別嘅吸引力，所以唔太願意進行插入式嘅性行為。呢度都想比你知道性行為其實牽涉好多因素嘅，例如前戲，當時嘅氛圍，氣味，聲音等等全部都會有影響，唔單單係牽涉一個生理器官嘅。舉個例子，去主題樂園玩嘅時候，我哋就咁望住個過山車可能會冇感覺，但係當我哋坐上去嘅時候就會覺得好刺激同埋興奮，而呢一樣嘢同架過山車係咩樣係冇關聯嘅。如果你願意去嘗試七日識嘅性行為，但係又好擔心自己嘅心情同埋表現會比陰部嘅外表影響嘅話，其實可以考慮使用陰暗嘅燈光或者熄燈去做。或者你可以同女朋友商量吓，由對方做主動，採用女上男下嘅體位去進行性行為。你都可以瞌埋眼去享受成個過程，將專注力擺喺觸感上面～
希望以上嘅建議可以幫到你🫶🏻