Hello, 我已經食咗兩個月事前避孕藥，係喺家計會度配嘅，牌子係欣賞（1盒21粒）今日係經期第5日，上個月配咗兩盒藥，其中一盒放咗喺公司，今日開始要食第3盒，但係因為天氣問題所以番唔到去攞，如果我今日/聽日去買另一個牌子，都係21粒可唔可以呢？因為我怕3日冇食，會影響效果，同埋如果3日冇食，之後星期一要補食幾多粒呢？唔該晒
Hello~一般嚟講，要轉牌子係冇問題嘅，不過因為每隻牌子嘅避孕藥荷爾蒙劑量都唔同，所以轉左牌子之後有機會會出現輕微嘅副作用，亦都需要比身體時間去適應，只要唔係喺食緊藥嘅途中出現持續嘅出血，基本上都冇問題嘅。而如果冇食三日嘅話，其實避孕嘅功效就會斷咗，係冇辦法通過補食去維持返個作用嘅，需要等身體重新建立藥效。如果係喺月經嘅頭五日內開始服用新一排嘅話，咁頭七日就會係適應期。如果已經過咗月經嘅頭五日，咁就需要等14日先至能夠重新建立藥效，而係呢14日裏面如果發生性行為，就需要配合外用嘅安全措施去避免懷孕啦！
咁係咪即係話萬一3日都冇食到藥，星期一跟番之前食嘅時間食藥，14日後就會建立番避孕嘅功效？其實我男朋友都會照戴套，而我食藥就多一重保障咁樣。
沒錯，所以唔洗擔心
。
明白，唔該晒
1個讚