女朋友已經40幾日未嚟M,有驗到孕都冇嘢,想請問會有問題
Hello你好啊
首先，想了解下驗孕時，係咪已經過咗上一次性行為嘅11日後呢？喺性行為嘅11日後驗孕就會有準確嘅結果。假如未過11日嘅，可以等多幾日再驗，咁就有準確嘅結果喇。
都想了解下另一半平時月經週期嘅pattern,例如平時都無咩問題，突然今次遲咗？定係平時月經週期都唔太穩定？
月經週期受好多因素影響嘅，例如生活作息、情緒壓力、服食藥物、體重突然過輕等等，所以都可以留意吓有冇呢啲因素影響到另一半嘅月經周期。
假如月經比起預計日期遲咗3星期或以上，情況都唔理想嘅，都有可能係多囊性卵巢症候群、子宮肌瘤、甲狀腺疾病嘅病徵，我地都唔能夠係到確實咁下判斷，所以建議盡早睇醫生，睇下有無需要做檢查，假如月經一向都會遲嘅，都可以考慮服用事前避孕藥，可以令月經週期穩定嘅
係過咗成個月先驗,佢平時都係30零日就嚟M
喺性行為一個月後驗孕，咁結果好準確喇，所以唔需要擔心懷孕喇！ 見到今個月月經比起之前嘅遲咗，可以留意下上面所講一啲影響月經周期嘅因素有冇出現，假如遲咗3星期或以上，咁就可以考慮睇醫生~
1個讚