Hello 而家食緊第三排事前藥，平時夜晚大約11點左右就食（最多前後爭一兩個鐘），但前日夜晚唔記得咗食，去到琴日朝頭早九點先記得食，夜晚11點都有補返一粒，但係琴日到而家都出血，請問算唔算正常？
Hello
如果出現漏食藥嘅情況，根據返你所食嘅事前藥嘅說明書，有提及到只需要喺某一個時限內補食返，就唔會有意外懷孕嘅機會。至於出血嘅情況，你意思係琴日到今日嘅出血比起之前早出現？咁係有機會身體誤以為你冇食藥，就等於停藥，所以就出現早嚟月經嘅情況。
我而家食緊yaz，説明事掉左，但好似係12個小時？咁想問我而家keep住食仲有避孕效果？因為我仲食緊粉紅色藥，未到白色
Sorry
啱啱數番原來漏食咗兩日藥，suppose 7號8號夜晚11點食，但原來漏咗，變咗9號朝早9點食番一粒，夜晚11點都食番一粒，但開始出血（應該係月經？），然後10號11號都準時夜晚11點食番，但keep住都出血。
想問我而家應該keep住食埋最後個5粒粉紅色+4粒白色，定係直接重新開過一包？
唔好意思啊
因為真係有啲唔知點
我上網睇番原來漏食兩日之後嗰兩日食番兩粒都可以維持番藥效，但我嗰陣以為自己只係食漏一日，冇連續食番兩日兩日，我呢幾日個schedule係
6號準時2320食
7號 冇
8號 冇
9號 ~around 0900食一粒 2320再食一粒（Total兩粒+開始出血Day 1）
10號 2320食一粒（Day2）
11號 2320食一粒（Day 3）
去到今日要仲出緊血，應該係嚟m？同埋而家仲有5（粉紅色）+4（白色）粒
我而家應該照食埋淨低個啲，然後過5日再嚟多次m之後繼續開盒新？
定係當9號係第一日嚟m，開盒新嘅食，但扣番Day1-3嘅3粒粉紅色？又或者係扣4粒（因為Day1食咗2粒）？
有啲亂真係唔該晒
如果係咁嘅話，就好似上面所講，身體以為冇食兩日藥就代表可以嚟月經，所以你而家出血嘅情況其實就係嚟緊月經。亦因為今次嘅情況比較複雜，所以建議你先停藥，等下一次月經再嚟嘅時候先開新一盒藥食，如果呢段時間會發生性行為，就記得使用其他安全措施。