我性經驗唔多，同埋只有男朋友一個對象，今年年初先至破處。
通常一個月只有兩日會做，但一日會做三四次左右。有一個小小困擾的問題係，當日第一次做愛之後，都會有好輕微出血，床單上面有淡淡的紅印，去完廁所抹個陣都會見紙巾有少少血。但係當日再做第二、三次，又唔會再出血。
暫時都冇試過發炎，過一兩日就會完全唔痛。
想問到底係咩野緣故呢? 感覺男朋友已經算係做得好溫柔，特別係當日做第一次會好慢咁樣進出，都唔會即刻就入晒。
係咪因為做愛頻率唔算高? 定係因為男友的size呢（我冇咩經驗，唔知點樣先算係大，佢要用到64mm的condom）？定還是做愛有少少出血係正常？
Hello
如果發生性行為嘅時候有持續出血嘅情況，當然係唔正常。通常出血主要有兩個原因，第一：陰道冠（處女膜）破裂，意思即係喺頭幾次發生性行為嘅時候，因為外來物嘅插入導致陰道冠破裂，造成嘅少量出血。第二：外來物插入，導致陰道口或者陰道內出現傷口，所造成嘅出血。多數係因為陰道唔夠潤滑，同埋好劇烈嘅抽插所造成嘅傷口。至於你嘅情況，好大機會唔係屬於第一個類別，因為你提及喺年初嘅時候第一次發生性行為，而且每個月發生性行為嘅次數亦都超過正常陰道冠破裂造成出血嘅次數。一般人只會喺頭嗰幾次出血，但如果你係每個月發生性行為嘅時候，嘅第一次都會有呢個情況，咁好大機會係第二個類別。或者你可以講多少少，通常當日第一次發生性行為時候嘅過程，例如有冇感覺到自己陰道有足夠滋潤度？對方每一次插入嘅時候有冇感覺到少少痛楚完事之後除咗出血，有冇感覺到陰道附近位置有痛楚？